ஓய்வு நேரத்தை எப்படிப் பயன்படுத்தலாம்?????????????????

ஓய்வு நேரத்தை எப்படிப் பயன்படுத்தலாம் என்று ஓர் இளைஞர் நண்பர்களிடம் கேட்டார். சிலர் சினிமாவுக்குப் போகச் சொன்னார்கள். சிலர் நண்பர்களுடன் செலவிடச் சொன்னார்கள். ஒவ்வொருவரிடமிருந்தும் ஒவ்வொரு யோசனை வந்தது. பிறகு, நேர-நிர்வாகவியல் நிபுணரை அழைத்து ஆலோசனை கேட்டார்.

......புத்தகம் படி, நல்ல காரியங்கள் செய்... என்றெல்லாம்தான் சொல்லப்போகிறார் என்பது இளைஞரின் எதிர்பார்ப்பு.... நேர-நிர்வாகவியல் நிபுணர் மிக நிதானமாகச் சொன்னார்…… 

“உன் ஓய்வு நேரத்தை, மற்றவர்கள் தவறாகப் பயன்படுத்தாமல் பார்த்துக்கொள். அதுவே பயனுள்ள நேரங்களைத் தொடங்கி வைக்கும்”. (என்றும் நட்புடன்.....கோகி-ரேடியோமர்கோனி.)

உத்தியோகமும், சம்பளமும் போயேபோச்சு..(It's gone)..எங்கே நமது வலைப்பதிவர் கையேடு? உடனே தேடி எடுக்கவேண்டும்....

உத்தியோகமும், சம்பளமும் போயேபோச்சு..(It's gone)..எங்கே நமது வலைப்பதிவர் கையேடு? உடனே தேடி எடுக்கவேண்டும்..............

கையில் வெறும் ரூபாய் 3000/- மட்டுமே மிச்சமிருந்தது. வேலை செய்த நிறுவனத்தை மூடிவிட்டார்கள், உத்தியோகமும் இல்லை, சம்பளமும் இல்லை (It's gone)போயேபோச்சு...... மாதாமாதம் செலவு செய்யவேண்டிய 5-ம் தேதி வருவதற்கு இன்னும் 20 நாட்கள் மட்டுமே மீதமிருக்கிறது, வழக்கமாக ஒவ்வொரு மாத வீட்டுச் செலவு, வாடகை செலவு உட்பட குறைந்தபட்சம் ருபாய் 25,000/- தேவை. .... எப்படி? எங்கிருந்து பணம் புரட்டுவது?.... என்கிற மனக்குழப்பத்துடன் வீட்டிற்குள் நுழைந்தேன்........ மனக்குழப்பம் என்றாலே எனக்கு இந்தப் பாடல் ஞபகம் வரும். " மயக்கமா... கலக்கமா... மனதிலே குழப்பமா... வாழ்க்கையில் நடுக்கமா?"          

நான் வீட்டின் உள்ளே வருவதைப் பார்த்த என் மனைவி எனக்கு மேலும் எரிச்சலூட்டும் வகையில் குழந்தைகளிடம்...... "அப்பா ஆபிசிலிருந்து வந்தாச்சு... அப்பாகிட்ட ... 'வீடு வாங்கப் போகலாம் வாங்க' என்று கூறுங்கள்..... அப்போதுதான் குழந்தைகள் நச்சரிப்பு தாங்காமல், வங்கிக் கடனாவது வாங்கி, சொந்தமாக ஒரு வீடு வாங்குவார்... இந்த வாடகை வீட்டுத் தொல்லை தாங்கமுடியவில்லை" என குழந்தைகளை தூதுவிட்டுக்கொண்டிருந்தார்..... எங்கோ வானொலியில் இந்தப் பாடல் வழிந்தோடியது,.... பாடல் :- "தள்ளுமடல் வண்டி இது தள்ளிவிடுங்க, எண்ணெய் விலை ஏறிபோச்சு மாட்டைப் பூட்டுங்க... போற இடம் எங்கப்பா? போனப்புறம் சொல்றேம்ப்பா?" ... 

சட்டேன்று குழந்தைகளின் எதிர்காலம் பற்றிய சிந்தனை வந்தது.... எங்கே அவர்களுக்கும் இப்படி என்னைப்போல வேலை செய்யும் நிறுவனம் மூடுவிழா கண்டு, என்ன செய்வது என்று, கையை பிசைந்துக்கொண்டு...திக்குத்தெரியாமல் நிற்கவேண்டுமா? ஆகவே குழந்தைகள் இருவருக்கும் எனக்கு ஏற்ப்பட்ட இக்கட்டான, இப்படிப்பட்ட பிற நிறுவனங்களில்  வேலை வாய்ப்பை சார்ந்து தனது வாழ்க்கையை அமைத்துக்கொள்ளாமல்... அவர்கள் தனது சொந்தக்காலில் நிருக்கும்படி  ஒரு நல்ல சுய தொழிற் பயிற்சிக் கல்வி அறிவைத் தரும் பாடப் பிரிவில் சேர்த்து படிக்கவைக்கவேண்டும்... என்று மனதிற்குள் நினைத்துக்கொண்டேன்..... அடுத்த மாதம் 15ம் தேதிக்குள் பசங்க இருவருக்கும் காலாண்டுக்கான பள்ளிக்கூட கட்டணம் வேறு கட்டவேண்டியிருந்தது. இந்த நிலையில்தான் ஏதோ இழுத்துப் பிடித்து ஓடிக்கொண்டிருந்த அந்த நிறுவனம், மேலும் தாக்குப்பிடிக்கமுடியாமல் கடன் கொடுத்த வங்கி நிறுவனமே,  நான் பணியாற்றிக்கொண்டிருந்த எனது நிறுவனத்திற்கு மூடு விழா செய்தது. நீதிமன்றம் முடிய கதவின் பூட்டிற்கு அரக்கு சீல்வைத்தாலும், வேலையை விடமாட்டேன் என சிலர் பூட்டிய கதவின் அருகேயே காத்துக்கிடந்து....தினமும் வருகைப் பதிவேடு பதிவு செய்துக் கொண்டிருந்தார்கள்.................... பக்கத்து டி கடையின் வானொலியில் இந்தப் பாடல் ஒலித்தது - "மாடி மேலே மாடி கட்டி...கோடி கோடி சேர்த்து விட்ட சீமானே... ஹலோ ஹலோ கமான் கமவுட்.. சீமானே... விஸ்வநாதன் வேலை வேணும்...." 

பொதுவாக மனைவியிடம்  வீட்டிற்குள் வந்ததுமே மனதில் உள்ள எல்லா கஷ்டங்களையும் கொட்டித் தீர்க்கக் கூடாது. அப்படிச் செய்வதால் சிலநேரம் நமக்கு மனபாரம் குறையலாம்... ஆனால் பல நேரங்களில் நமது மனபாரம் இரட்டிப்பகிவிடும். காரணம் மனைவியின் பங்குக்கு அவரும் சேர்ந்து...."என்னங்க இப்படி ஒரு குண்டைத் தூக்கி போடுறீங்க!!!!! உங்களுக்கு கொஞ்சம் கூட பொறுப்பில்லை????, அடுத்தவேளை சாப்பாட்டுக்கு என்னசெய்வது????, கொஞ்சமாவது யோசித்துப்பார்த்தீர்களா????.."... இப்படி இன்னும் பல கொக்கியை ???? நம் மனதில் மாட்டிவிட்டு, அதைப்பிடுத்துக்கொண்டு தொங்குவார்..... ஆகவே அமைதியாக உடுப்புக்களை மாற்றிக்கொண்டு,.. குளியலறைக்கு சென்று கை,கால் கழுவி முகம் துடைத்தபடி.....நிதானமாக உட்கார்ந்து சாப்பிட்டுவிட்டு........ இரவு படுக்கைக்கு செல்லும்போது பேசலாம் என்று முடிவுசெய்துகொண்டு ... இரவுநேரம் வானொலி கேட்க எனது கைத் தொலைப்பேசியில் பண்பலை அலைவரிசையில் தொட ... சட்டேன்று இந்தப்பாடல் ஒலித்தது "அடுத்தாத்து அம்புஜத்தைப் பார்த்தேளா அவ த்துக் காரர் சொல்லுறத கேட்டேளா அடிச்சாலும் புடிச்சாலும் அவா ஒண்ணாச் சேர்ந்துக்கறா... ஆனா அடிச்சதுக்கொண்ணு புடிச்சதுக்கொண்ணு புடவையா வாங்கிக்கறா, பட்டுப் புடவையா வாங்கிக்கறா"…....

அனைத்து சமையலறை வேலைகளை முடித்துக்கொண்டு படுக்கையறைக்குள் நுழைந்த மனைவி மெல்ல பேச ஆரம்பித்தாள்..."என்னங்க ஆச்சு எதுவும் பேசாம, எதோ ஆழ்ந்த சிந்தனையில் இருப்பதுபோல"... என்றாள்.   விவரம் சொன்னதும் ... இதமாக என் மனதிற்குள் பல கொக்கியை ???? மாட்டித் தொங்கினாள்...... மனம் கனமாகி தானாக அதன் (மைண்ட் வாய்சில்) உல் மனதுக்குள் பாடல் ஒலித்தது .... "நிலைமாறும் உலகில் நிலைக்கும் என்ற கனவில் வாழும் மனித ஜாதி -அதில் வாழ்வதில்லை நீதி......."

ஒவ்வொரு மனிதனின் வாழ்க்கையில் சில விசயங்களை நின்று நிதானமாக அசைபோட வேண்டியிருக்கிறது..... எப்படி சம்பாதிக்கின்ற ஆண்களுக்கு அலுவலகப் பிரச்சனைகளோ, அதேபோலவே வீட்டை நிர்வகிக்கும் மனைவிக்கும் பல அன்றாட வீட்டுப் பிரச்சனைகளை எதிர்நோக்கவேண்டியுள்ளது. பல இல்லத்தரசிகள் பிரச்சனைகளை நிதானமாக எதிர்கொள்ளாமல் தானும் பயந்து தனது கணவணனின் பதற்றத்தை பெரிதாக்கிவிடுகிரார்கள். அதனால் தான் பல கணவன்மார்கள் தமது மனைவியிடம் பிரச்சனைகளை வெளிப்படையாக பேசித் தீர்த்துக்கொல்வதில்லை. பொதுவாகவே அனைத்துத் திருமணமான மேலான கணவன்மார்களின் மனதில் அவர்களின்   மனைவிக்கென்று தனி மதிப்பும் மரியாதையும் வைத்திருப்பார்கள். இருந்தும் இப்படித்தான் பொய்க்கோபம் கொண்டு.... ஊடல்... கூடல் எல்லாம் இருந்தால்தான் அது சிறந்த இல்லறவாழ்க்கையாக இருக்கும்..... அதாவது "இதெல்லாம் வாழ்க்கையில் சகஜமப்பா" என்று பிரச்சனைகளை எளிமைப்படுத்த தெரிந்து வைத்திருக்கவேண்டும்..... அதைவிடுத்து எதிரும் புதிருமாக சண்டைப்போட்டால் வாழ்க்கை வண்டி எப்படி ஓடும்....... கவியரசரின் கூற்றைப்போல சரியான நேரம்பார்த்து வானொலியில் மிதந்து வந்த அந்தப் பாடல்    :-  "நீயும் நானும் சேர்ந்திருந்தோம் நிலவும் வானும் போலே, நான் நிலவு போல தேய்ந்து வந்தேன் நீ வளர்ந்ததாலே, என்னுள்ளம் எனைப்பார்த்து கேலி செய்யும் போது, இல்லாதான் இல்வாழ்வில் நிம்மதி ஏது, இது கணவன் சொன்னது இதில் அர்த்தம் உள்ளது.... பரம சிவன் கழுத்திலிருந்து பாம்பு கேட்டது கருடா சவுக்கியமா?"  

எப்போது தூங்கினேன் எனத் தெரியவில்லை... விழித்தெழுந்தபோது  குழந்தைகள் பள்ளிக்கூடம் சென்றுவிட்டனர்... மனைவி சமயலறையில் எதோ செய்துகொண்டிருந்தாள்..... வழக்கம் போல பல்தேய்த்து...காப்பிகுடித்து ........ "எதையாவது செய்" என்று மனது துடித்துக்கொண்டிருந்தது,  என்ன ஆகுமோ என்கிற பயம்தான் மனிதனை எப்படியெல்லாம் ஆட்டிப்படைக்கிறது என்பதை நினைத்தபோது... பள்ளிப் பருவத்தில் எனது ஆசிரியர் கூறியது ஞபகம் வந்தது....மாவீரன் வீரபாண்டிய கட்டபொம்மனுக்கு பயம் என்பது துளிகூட கிடையாது என்பதை சில வீர வரிகளில் எடுத்துக்கூறினார்... 

"எங்கே நமது தலை வேட்டப்பட்டுவிடுமோ என்பதுதான் பயத்தின் உச்சகட்டம், அப்படி வெட்டப்ப்படும்வரை நீ எதற்கும் பயப்படவேண்டியதில்லை.... அப்படியே வேட்டுபட்டாலும் அதன் பிறகு நீ அங்கு இருக்கப்போவதில்லை....ஆகவே எதற்க்காக பயப்படவேண்டும்"...... "மரணத்தைப் பற்றி கவலைப்படாதே. நீ இருக்கும் வரை அது வரப்போவதில்லை. அது வரும்போது நீ இருக்கப்போவதில்லை. பிறகு எதற்கு அந்தக் கவலை?" என்று ஒரு வீர பாடம் ஒன்றை சொன்னது இன்னமும் என் நினைவுகளில் ஓடிக்கொண்டிருந்தது... "மனநிறைவு என்பது இயற்கையாக நம்மிடம் உள்ள செல்வம்...... ஆடம்பரம் என்பது நாம் தேடிக்கொள்ளும் வறுமை", "அதிர்ஷ்டத்திற்காகக் காத்திருப்பதும் சாவுக்காக் காத்திருப்பதும் ஒன்றே!"... என்கிற, இது போன்ற பல வாக்கியங்கள் நமது மூலைக்கு,  காச்சிய இரும்பை சமட்டியால் அடித்து வளைத்து உறுதிப்படுத்தும் வார்த்தைகள். நீங்கள் ஒரு வாய்ப்பைத் தவறவிட்டால் உங்கள் விழிகளைக் கண்ணீரால் நிரப்பாதீர்கள்! உங்கள் கண்ணீர், உங்கள் முன் உள்ள இன்னொரு வாய்ப்பை மறைத்துவிடும்!........  உங்களின் கண்கள் கண்ணீரால் உங்களை காட்டிக்கொடுத்தாலும், உங்களின் அழகிய புன்னகையை உதிர்த்து அதை எதிர்கொள்ளுங்கள்!.... ஆகவே கவலைப்பட்டு ஒன்றும் ஆகப்போவதில்லை என்று கவலைப்படுவதை விடுத்து அடுத்து என்ன செய்யவேண்டும் என காரியத்தில் கண்ணாக இருக்க கணினியை நோக்கி ஓடினேன்.....   மடிக்கணினியை திறந்து இணையத்தில் இணைந்து.... முதலில் வேலைதேட மனசு நினைத்தாலும் எனது கை அந்தக் குறிப்பிட்ட இனைய பக்கத்தை சொடுக்கியது, மெல்ல அந்த இனைய  முகப்புப் பக்கத்திற்கு வந்தேன்......இனைய வானொலியில் பாடலைக்கேட்க மனம் விரும்பியதால்.... பாடலைக் கேட்டபடி கணினியில் எனது பணியைத் தொடர்ந்தேன் .....பாடல்:- "வாழும் வரை போராடு வழியுண்டு என்றே பாடு இன்று ரோட்டிலே நாளை வீட்டிலே மழை என்றும் நம் காட்டிலே!"........ 

....அந்த இணையதள நிறுவனத்தை தொடர்பு கொள்ள முகவரியை தேடி..... தொலைபேசியில் அழைத்துப் பேசினேன். ரூபாய் 15000/- ஆகும் என்றார்கள், தொடர்ந்து பேசியதில் இறுதியில் ருபாய் 2000/- வெறும் 3 பக்கங்களில் பிறகு ஒவ்வொரு மாதமும் ருபாய் 5000/- கட்டணம் என்று பேசி முடிவானது... நேரில் வருவதாகக் கூறி... மடிக் கணினியைக் கூட மூடாமல் சட்டையை மாட்டிக்கொண்டு கிளம்பினேன்.  ....."ஏங்க.. ஏதாவது கொஞ்சம் சாப்பிட்டுவிட்டு வெளியில் செல்லுங்கள்"... என்று என் மனைவி கூறியது காதில் விழுந்தும், விழாததுபோல..... வேகமாக வீட்டைவிட்டு வெளியில்வந்து... வாகனம் பொருந்தி....அடுத்த அரைமணியில் அவர்களின் அலுவலகத்தில் இருந்தேன். வழியில் வாகனத்தில் செல்லும்போதும் பண்பலை வானொலி நிகழ்ச்சியில் பாடல் ஒலித்துக்கொண்டிருந்தது ....  "சென்று வா மகனே ! சென்றுவா ! - அறிவை...வென்று வா மகனே ! வென்று வா !....அறிவுலகம் உன்னை அழைக்கின்றது - ஏதும் அறியாதவன் என்றே நினைக்கின்றது....." 

மனதிற்குள் ஒரு ஆர்வம் வந்துவிட்டால், கால நேரம் கடந்து, எத்தனை உயரமானாலும் எட்டிப்பிடிக்கும் சக்தி கிடைத்துவிடுகிறது. அதனால்தான் கஷ்டப்பட்டு உழைக்காமல் இஷ்டப்பட்டு உழைத்தால் கிடைக்கும் பலனுக்கு ஈடு இணை இல்லை என்பதை அதன் அனுபவத்தால் மட்டுமே உணரமுடிகிறது. பலநாட்களாக இணையத்தில் எனது எண்ணங்களை விதைத்து அறுவடை செய்து காட்டவேண்டும் என்கிற அந்த எண்ணம் மனதில் ஓடிக்கொண்டிருந்ததால், இணையத்தில் ஒரு பெரிய வாய்ப்பை உருவாகவேண்டும் என பல விவரங்களை எனது மின்னஞ்சல் பெட்டியில் சேர்த்து வைத்திருந்தேன். (எங்கொ வானொலியில் ஒலித்துக்கொண்டிருந்த அந்தப் பாடல் எனது காதுகளில் நுழைந்தது :- ஒரு முத்தாரத்தில் முப்பது முத்து சேர்த்து வைத்திருந்தேன் அதன் முன்னும் பின்னும் தங்கக் கோடுகள் போட்டு வைத்திருந்தேன்.....).

கையில் இருந்த ருபாய் மூவாயிரத்தில் ருபாய் 2000/- கட்டணமாக செலுத்தி,  இணையத்தில் தேவையான பதிவு முறைகளை முடித்து, என்னுடைய சொந்த இனைய பக்கத்தை வடிவமைத்தேன். அதன் முகப்புப் பக்கத்தில்...முன்பே நான் உருவாக்கி வைத்திருந்த எனது கூகள் விளம்பர (கூகள் ஆட்சென்ஸ்-Google Adsense) கணக்கை இணைத்தேன்.  மேலும் (Paypal) பே-பால் மற்றும் (E-Commerce & On line Payment Gate Way) என்கிற வங்கியின் இனைய வழிப் பணப் பரிவர்த்தனைகளுக்கான H.T.M.L என்கிற கணினி மென்பொருள். (Click)சொடுக்கு (Button)பொத்தான்களை நிறுவி எனது இணையப்பக்கம் தயாரானது. வெற்றி பெற்ற பெருமிதம்... கைகளுக்கு நன்றி சொன்னேன்.... இந்தக் கைகள் என்னவெல்லாம் ஜாலம் செய்கிறது.... அதை நாம் எப்படி பயன்படுத்துகிறோம் என்பதைப் பொறுத்து, நமது வாழ்க்கையை அமைத்துக்கொடுக்கிறது... இப்படி மனம் நினைத்துக்கொண்டிருக்கையில் வானொலியில் இந்தப் பாடல் ஒலித்தது.....  "உழைக்கும் கைகளே,.... உருவாக்கும் கைகளே,... உலகை புது முறையில்,.... உண்டாக்கும் கைகளே.... உண்டாக்கும் கைகாளே (உழைக்கும்)"          

        

இப்படித்தான் சில வேளைகளில் அதிக அக்கறை எடுத்துக்கொள்ளும்போது,  நேரம் போனது தெரியவில்லை. தொலைப்பெசியைப் பார்த்தபோது,  தொலைபேசி மனியாடிக்காமல் ஓசை குறைக்கப்பட்டு இருந்ததால்  அதில் வீட்டிலிருந்து பல அழைப்புக்கள் வந்திருந்தது தெரிந்து, உடனே வீட்டிற்கு தொடர்புகொண்டு பேசியபோது.... என் மனைவி சற்று கலவரப்பட்டு.... வேலை போய்விட்டதால் கணவருக்கு என்ன கோபமோ?, எங்கு போனாரோ?.... என  மறு முனையில் அழாதகுறையாக..... "என்ன ஆச்சுங்க?? எங்கே இருக்கீங்க???" என்று என் மனம் நிறைய கொக்கியை ???மாட்டினார்......... ஏம்ப்பா கோகி- ரேடியோ மார்கோனி... சூழ்நிலைக்குத் தகுந்த ஒரு பாட்டைப் போடுப்பா ...." நினைந்து  நினைந்து நெஞ்சம் உருகுதே....நீங்கிடாத துன்பம் பெருகுதே" ..... :(திரு. ஜி. ராமநாதன் அவரோட இசையப்பில் வந்த அழகான பாடல் இது... படம் -சதாரம்) ...  

அடித்துப் பிடித்து...ஓடோடி வீட்டிற்கு வந்ததும் மனைவியிடம் மகிழ்ச்சியான செய்தியை சொன்னதும் " நீங்க ரொம்ப மோசமான ஆளுங்க,  உங்களைக் காணும் என்று எவ்வளவு பயந்துவிட்டேன்  தெரியுமா?..." என்று கண்களில் நீர் தளும்ப என் கைகளை ஆறுதலாக பிடித்து... அவளது நெஞ்சோடு அணைத்துக்கொண்டாள்..... எத்தனை வயதானால் என்ன தினம் தினம் கணவன் மனைவி இருவரும் புதிதாக திருமணமான தம்பதிகள் போல.... பிறகென்ன வானொலியில் பாட்டுதான்..... வீட்டுக்கு வீடு வாசப்படி என்கிற படத்தில் " ஆடல் பாடல் காதல் என்பது அப்போது..... ஊடல் கொண்டு காதல் செய்வது இப்போது...... நாளை வருவது கல்யாணம், இன்று வெள்ளோட்டம்....இந்த கொண்டாட்டம் எப்போதும் உண்டாகட்டும்.....  https://youtu.be/3TLmnL2QQqU

"என்னால் நம்பமுடியவில்லை... இத்தனை வேகமாக ஆரம்பித்த முதல் வாரத்திலேயே எனது வங்கிக் கணக்கிற்கு ருபாய் 50,500/- கிடைத்திருப்பது குறித்து பெருமையாக இருந்தது.. எதோ சொல்லுவார்களே "வயறு காய்ந்த மாடு கம்பங் கொல்லையில புகுந்த மாதிரி".... என்பதுபோல மனம் பரபரப்பானது.... பெருமையை ஊர் அறிய தெரியப்படுத்த மனம் உணர்சிவசப்படலானது ... அடுத்தது .... அனைவருக்கும் தெரியப்படுத்த.... எங்கே நமது வலைப்பதிவர் கையேடு?..... உடனே தேடி எடுக்கவேண்டும்.......என்னைவிட என் மனம் ஒரே நேரத்தில் என்வீட்டின் வெவ்வேறு  இரண்டு அறைகளில் என் நினைவுகளை, விரட்டித் தேடியது......வழக்கம்போல வானொலியில் பாடல் ஒலித்தது... "சத்தியம்.... இது சத்தியம்.... எல்லாம் வல்ல இறைவனின் ஆணை, சொல்லப் போவது யாவையும் உண்மை, சத்தியம்... இது சத்தியம்".........   

அடுத்தது..... நமது வலைப்பதிவர்கள் கையேட்டில் இருக்கும் அனைவருக்கும் என்னுடைய இனைய முகவரியை தந்து, ...... நீங்களும் கைநிறைய சம்பாதிக்க வேண்டுமா? பலருக்கும் பொருலீட்டித்தரும் வகையில் அமைக்கப்பட்ட எனது இணையப்பக்கம்... கைநிறைய அள்ள அள்ள குறையாத ஒரு அட்சயப் பாத்திரம் என்பதை தெரியப்படுத்தி நானும் பயன்பெறவேண்டும் என்பதால்..... அதற்காக அனைவருக்கும் மின்னஞ்சல் அனுப்பும் வேலையை தொடங்கினேன்....இனைய வானொலியில் நேயர் விருப்பம் நிகழ்ச்சியில் பாடல் ஒலித்தது "நான் அனுப்புவது கடிதம் அல்ல,.... "உள்ளம்".... அதில் உள்ளதெல்லாம் எழுத்தும் அல்ல ...."எண்ணம்"... உங்கள் உள்ளமதைக் கொள்ளை கொள்ள...... நான் அனுப்புவது கடிதம் அல்ல"..... 

எனது இணையபக்கத்தின் மூலம் எப்படி பணம் சம்பாதிப்பது என்று பார்ப்போம். முதலில்  நீங்கள்  செய்யவேண்டியதெல்லாம், என்னுடைய இணையதளத்திற்குள் நுழைந்ததும், முகப்புப் பகுதியிலிருக்கும், "புது கணக்கு தொடங்க" என்கிற பொத்தானை (கிளிக்)/சொடுக்கியபிறகு தோன்றும் விண்ணப்ப படிவத்தில் உங்களைப்பற்றிய விவரங்களை குறிப்பிட்டு உங்களுக்கே உரிய  உங்கள் கணக்கின் உல் நுழைவதர்க்கான் "பெயர்" மற்றும் "கடவுச் சொல்" போன்றவற்றை தனியாக குறித்துவைத்துக்கொண்டு,  உங்களது பெயரில் ஒரு புதிய கணக்கை தொடங்க வேண்டும்.  

மேலும் மிக எளிமையாக உங்களுக்கு புரியுமாறு கூறுகிறேன். அதாவது நீங்கள் எழுதும் கதை, கட்டுரை, கவிதை போன்றவற்றை (Blogspot.com)என்கிற உங்களது இனைய பக்கத்தில் பதிவு செய்துவிட்டு அந்த இனைய பக்கத்தின் URL-முகவரியை என்னுடைய இனைய தளத்தில் உள்ள உங்களது கணக்கின் கீழ் பொருத்திவிட்டால். உங்களது கதை, கட்டுரை, கவிதையை யாராவது படிக்கும்போது திரையில் தோன்றும் விளம்பரங்களுக்கு கிடைக்கும் தொகையில் பாதி  உங்களது கணக்கில் சேர்ந்துவிடும். அதாவது எனது இணையதளத்தில் உங்களது கதை படிப்பதினால் கிடைக்கும் விளம்பரப் பணம் ருபாய் 1000/- என்றால் அதில் பாதி ரூபாய் 500/- உங்களுடைய கணக்கிற்கும், மீதி ரூபாய் 500/- என்னுடைய கணக்கிற்கும் வந்து சேரும். ஆகவே உடானடியாக என்னுடைய இணையதளத்தில் உங்களை இணைத்துக்கொண்டு உங்களின் கதை கட்டுரை கவிதைகளுக்கு சிறப்பான ஒரு பெரிய சன்மானத்தைப் பெற, கீழ்கண்ட எனது மின்னஞ்சல் முகவரியில் தொடர்புகொள்ளுங்கள்......"என் கண்களுக்கு பச்சை விளக்கு தெரிந்தது"..... நிச்சயம் இது வெற்றிகரமான செயலாகவும், அனைவரும் மிகுந்த நம்பிக்கையோடு நம்மோடு இணைந்து பயனடைவார்கள் என, என் மனம் எதோ சோதனையில் ஒரு சாதனை செய்ததுபோல நிம்மதியாக........ நடிகர் திலகம் சிவாஜி கணேசன் அவர்களைப்போல.... மின்சார இருப்புப்பாதையில் புகை வண்டியை ஒட்டிக்கொண்டிருந்தது .....பாடல்:-"ஒளிமயமான எதிர்காலம் என் உள்ளத்தில் தெரிகிறது இந்த உலகம் பாடும் பாடல் ஓசை காதில் விழுகிறது...." 

"ஏனுங்க....அட உங்களைத்தான் ...இன்னைக்கு முக்கியமா எதோ உங்க கம்பெனி மீட்டிங் இருக்குன்னு சொன்னீங்களே.... இப்படியா 7 மணி வரை தூங்குவது... சீக்கிரம் எழுந்து ஆபிசுக்கு கிளம்புங்க"...... என்று எனது மனைவியின் குரல் கேட்டு திடுக்கென்று கனவு களைய, சட்டென்று நினைவுக்கு வர குளியலறை நோக்கி ஓடினேன்.... அருமையான கனவு எப்படியும் ஒரு மணி நேர விளம்பரதாரர் நிகழ்ச்சியாக ஏதாவது ஒரு வானொலிக்கு விற்றுவிடலாம்........ உடனடியாக இந்த "வானொலிக் கதையும் பாடலும்" நிகழ்ச்சிக்கு சில விளம்பரதாரர்களைத் தேடவேண்டும்...... நீங்களே சொல்லுங்கள்... இந்தக் கதை, விளம்பரதாரர் நிகழ்ச்சிக்கு போனியாகுமா?...... நேயர்களே நீங்களும் கூறுங்கள்..... இந்தக் கதையும் பாடலும் நிகழ்ச்சி உங்களுக்கு பிடித்திருக்கிறதா? ஏதாவது குற்றம் குறை இருந்தால் எவ்வளவோ?.... அவ்வளவு குறைத்துக்கொண்டு மிச்சம் மீதியைத் தந்தாள் போதும்........மீண்டும் எங்கோ வானொலியில் பாடல் ஒலித்துக்கொண்டிருந்தது அதைக்கேட்ட குளியறையிலிருந்த எனது மனதும் பாடலை முணுமுணுத்தது  :-  

"துணிந்து நில்,..ஹ ஹ... தொடர்ந்து செல், ..ஹ ஹ ஹ .தோல்விகிடையாது தம்பி..... உள்ளதை சொல், நல்லதை செய் தெய்வம் இருப்பதை நம்பி"......... ....

விட்டுக் கொடுங்கள்; விருப்பங்கள் நிறைவேறும்......... 
தட்டிக் கொடுங்கள்; தவறுகள் குறையும்............... 
மனம் விட்டுப் பேசுங்கள்; அன்பு பெருகும்........... 
நன்றிகளுடன் கோகி-ரேடியோ மார்கோனி....... 

ஆகாசவாணி FM ரெயின்போ ஹிந்தி வானொலி-மஹாகவி பாரதியார் பாடலை ஒலிபரப்பியது.

11-12-2015 இன்று காலை 7.30மணி அளவில் நமது ஆகாசவாணி FM ரெயின்போ ஹிந்தி வானொலி  ஒலிபரப்பில் நமது மஹாகவி பாரதியார் பிறந்த நாள் குறித்து விவரங்களை கூறி அவர் எழுதிய  ஒரு பாடலையும் 7.40AM ஒலிபரப்பியது. உத்திராகன்ட் மாநில மலைப்பகுதியில் காலையில் லேசான மழை, மேகமூட்டமாக நல்ல குளிர் காற்று (6 டிகிரிக்கும் கீழ்) வீசிக் கொண்டிருந்த அந்தக் காலை வேளையில் ஒலிபரப்பான மஹாகவி பாரதியாரின் பாடல் இமயமலை அடிவாரத்தின்  எல்லைப் பணியிலிருந்த தமிழக ராணுவ வீரர்கள் உட்பட உத்திராகன்ட் மாநில  திட்டப்பனியிலிருக்கும்  நானும் கேட்டு மகிழ்ந்தேன். மாஹாகவி அவர்களின் புகழ் தமிழகம் மட்டுமல்லாது பலமொழிபேசும் பிற மாநிலங்களிலும், வெளிநாடுகளிலும் சிறப்பு பெற்றிருப்பது பெருமையடையச்  செய்கிறது......வாழ்க பாரதம்.....    

......................ஜெய ஜெய ஜெய .. பாரத சமுதாயம் வாழ்கவே!.................

அன்புள்ள மகனுக்கு , மூன்று காரணங்களுக்காக நான் இதை உனக்கு எழுதுகிறேன்:-

அன்புள்ள மகனுக்கு, 

மூன்று காரணங்களுக்காக நான் இதை உனக்கு எழுதுகிறேன்:-

1. வாழ்க்கை, அதிர்ஷ்டம்/ நல்ல வாய்ப்பு, இடையூறுகள் ஆகிய அனைத்தும் முன் மதிப்பிட்டு அறிய (கணிக்க) முடியாதவை. தாம் எவ்வளவு காலம் வாழ்வோம் என்று எவரும் அறிவதில்லை, சில கருத்துக்களை / அறிவுரைகளை சரியான நேரத்தில் (முன்கூட்டியே) கூறிவிடுவது நல்லது.

2. நான் உன்னுடைய தந்தை. நான் உனக்கு இதனை கூறாவிடில் உனக்கு இதனை யாரும் கூறப் போவதில்லை.

3. நான் உனக்கு எழுதுவது யாதெனின், எனக்கேற்பட்ட சிறு அளவிலான சொந்த அனுபவங்களேயாகும். இது ஒரு வேளை தேவையற்ற அதிகப்படியான இதய வலிகளிலிருந்து உன்னைக் காக்க இயலும்.

கீழ்க் கண்டவற்றை நீ உன் வாழ்க்கை முழுவதும் கவனத்தில் கொள்ள வேண்டும்:

1. உன்னிடத்தில் நல்லவர்களாக நடந்து கொள்ளாதவரிடம் நீ உன் வன்மத்தை / பொல்லாங்கை காட்டாதே. உன் அம்மாவையும் என்னையும் தவிர உன்னை நல்லவிதமாக நடத்தி செல்லும் பொறுப்பு எவருக்குமில்லை. உனக்கு யாராவது நல்லவர்களாக இருப்பின் அது உனக்கு கிடைத்த புதையல் / பொக்கிஷம் போன்றதாகும். அவர்களுக்கு நீ நன்றி உடையவனாக இரு. மேலும் நீ அவர்களிடத்தில் கவனமாக நடந்து கொள்ளுதல் அவசியம். ஏன் எனில், ஒவ்வொருவரின் அணுகுமுறையும் ஏதேனும் ஒரு நோக்கத்துடனேயே இருக்கிறது. உன்னிடத்தில் ஒரு மனிதன் நல்லவனாக நடந்து கொள்கிறான் என்றால், உன்னை அவன் உண்மையாக நேசிக்கிறான் என்று அர்த்தம் இல்லை. நீ விழிப்புடன் இருக்க வேண்டும். அவனை நீ ஆய்ந்தறியாமல், மதிப்பிடாமல் உண்மையான் நண்பன் என்று கொள்ளாதே.

2. இந்த உலகில் இன்றியமையாதது என்று ஒன்று இல்லை. உனக்கு உடமையானது என்று எதுவும் இந்த உலகில் இல்லை. இந்த கூற்றினை நீ புரிந்து கொண்டாய் என்றால், உன்னை சுற்றி மனிதர்கள் சூழ்ந்திருந்தாலும், எவரும் தேவை இல்லை என்றாலும் அல்லது நீ அதிகமாக விரும்பிய ஒன்றையோ/ ஒருவரையோ நீ இழக்க நேர்ந்தாலும் உன் வாழ்க்கையை நீ எளிதில் வழி நடத்திச் செல்ல இயலும்.

3. வாழ்கை என்பது மிகவும் குறுகிய காலத்திற்கு உட்பட்டது. இன்றைய வாழ்க்கையை நீ வீணடித்தாய் என்றால் உன் வாழ்க்கை உன்னைவிட்டு சென்றுவிட்டதை நாளை நீ கண்டுகொள்வாய். வாழ்க்கையின் மதிப்பினை நீ எவ்வளவு விரைவில் உணர்ந்து கொள்கிறாயோ ஓரளவாகிலும் நீ வாழ்வினை அனுபவிப்பாய்.

4. அன்புதான் என்றாலும் அது உறுதியற்ற ஒரு உணர்வே ஆகும். காலத்தை பொருத்தும் ஒருவரின் மனநிலையை பொருத்தும் இந்த உணர்வு மங்கி / குறைந்து விடுகிறது. உன்னை மிகவும் நேசித்தவர் உன்னை விட்டு விலகிச் செல்லும் பொழுது நீ அமைதியாக இரு. காலம் உன் வலிகளையும் கவலைகளையும் துடைத்தழித்துக் கொண்டு போய்விடும். இனிமையான அன்பையும், அழகையும் நீ மிகையாக எண்ணாதே. அன்பில்மல் போகின்ற தருணத்தில் ஏற்படும் கவலைகளையும் நீ பெரிதாகக் கொள்ளாதே.

5. வெற்றி பெற்ற நிறைய மனிதர்கள் நல்ல கல்வியறிவு பெற்றவர்கள் இல்லை. நீ சிரமப்பட்டு கல்வி பயிலாவிடினும் வெற்றி பெற இயலும் என்பது இதன் பொருள் இல்லை. என்னென்ன அறிவுத் திறனைப் நீ பெற்றிருக்கின்றாயோ அது வாழ்க்கையில் உனக்கான ஆயுதங்களாகும். ஒரு சிலர் வாழ்க்கையில் உயர்கின்ற தருணத்தில் இன்னல்களை அனுபவிக்கின்றனர். ஒரு சிலர் துவக்கத்திலேயே இன்னல்களை சந்திக்க நேரிடுகிறது.

6. என்னுடைய வயதான காலத்தில், உன்னுடைய வருமானத்தை சார்ந்து வாழ வேண்டும் என்ற எதிர்பார்ப்பு எனக்கில்லை. அதே போன்று உன்னுடைய வாழ்க்கை முழுதும் நான் உனக்கு நிதி ஆதாரங்களை அளிக்க இயலாது. உன்னை வளர்த்து ஆளாக்கும் வரையில் தான் என்னுடைய ஆதரவும் பொறுப்பும்; நீ வளர்ந்து விட்ட பிறகு இந்த பொறுப்பு முடிவடைந்து விடுகிறது. அதன் பிறகு நீ தான் முடிவு செய்ய வேண்டும். நீ பயணிக்கப் போவது பொது போக்குவரத்திலா அல்லது உன் சொந்த வாகனத்திலா / இரதத்திலா; வசதி படைத்தவனாக அல்லது ஏழையாக.

7. நீ கூறும் வார்த்தைகளுக்கு நீ மதிப்பளிக்க வேண்டும். ஆனால் பிறர் அவ்வாறு இருத்தல் வேண்டும் என்று நீ எதிர்பார்க்கக் கூடாது. நீ அனைவருக்கும் நல்லவனாக இரு. ஆனால் உனக்கு அனைவரும் நல்லவர்களாக இருக்க வேண்டும் என்று எதிர்பாராதே. நீ இதனை புரிந்து கொள்ளாமல் போனால் உன் வாழ்க்கை தேவையற்ற பிரச்சினைகளில் உழல வேண்டி இருக்கும்.

8. நான் பல வருடங்களாக பரிசு சீட்டுகளை வாங்கி இருக்கிறேன். ஆனால் எந்த பரிசும் எனக்கு அடித்ததில்லை / கிடைக்கவில்லை. நீ வசதி படைத்தவனாக வேண்டுமென்றால் நீ கடினமாக உழைக்க வேண்டும் என்பதையே இது காட்டுகிறது! இலவசமாக உணவு கிடைக்காது!

9. நான் உன்னுடன் எவ்வளவு அதிகப்படியான நேரம் இருக்கிறேன் என்பது ஒரு பொருட்டல்ல. நாம் ஒன்றாக இணைந்திருக்கும் அந்த நேரத்தை பெரும் பாக்கியமாகக் (பொக்கிஷம்) கருதுவோம். நமக்கு தெரியாது நாம் மறுபடியும் நம்முடைய அடுத்த பிறவியில் சந்திப்போம் என்று.

அன்புடன் ,

உன் அப்பா. 

தமிழரால் தகர்த்திடவேண்டிய தடைகள்:-

தமிழரால் தகர்த்திடவேண்டிய தடைகள்:- 

பல்துறைப் பயிற்சித்திறம் வாய்ந்த தமிழர்களுக்கு இந்தியாவின் வடநாட்டிலும், உலகெங்கிலும் ஏராளமான தொழில் மற்றும் வேலைவாய்ப்புக்கள் கொட்டிக்கிடக்கின்றன... தென் இந்தியாவில் வசிக்கும் தமிழருக்கு "ஹிந்தி" மொழி மற்றும் வடநாட்டு கலாசாரம், காலநிலை, உணவு பழக்க வழக்கங்கள் ஏற்றுக்கொள்ளமுடியாத சூழ்நிலையில், தமிழகத்தைச் சேர்ந்த… உரிய படிப்பைப் படித்த பலருக்கு சரியான வேலைவாய்ப்பு கிடைக்காமல் திணறுகின்றனர் என்பது அனைவருக்கும் தெரிந்ததே....

இந்திய வடமாநிலங்களிலும், வெளிநாடுகளிலும் வசிக்கும் தமிழர்களின் குடும்ப தலைமுறையினருக்கு, தமிழ் தாய்மொழியாக, எந்த நேரமும் ஒருவருக்கொருவர் தமிழில் பேசிக்கொண்டிருந்தாலும், தமிழில் எழுத படிக்க என்று வரும்போது  "தெரியாது" என்பது ஏறக்குறைய 75% சதவீதத்திற்கு மேல் இருப்பது, தமிழரால் தகர்த்திடவேண்டிய தடைகள் என்று சொன்னால் அது மிகையாகாது....

தமிழை ஆட்சிமொழியாகக் கொண்ட சிங்கை, மலேசியா, மொரிஷியஸ் போன்ற நாடுகளில் வாழும் ஏராளமான தமிழர்களின் தற்போதைய தமிழ் தலைமுறையினரின் நிலைமைகூட இப்படித்தான் இருக்கிறது. 

மேலை நாடுகளில் பலர் அங்கு வாழும் தமிழர்களின் மூன்றாம் தலைமுறையினருக்கு தமிழ் கற்ப்பிக்கும் செயலை செய்து போருலீட்டுபவர்களை தற்ப்போது மிக அதிக அளவில் காணமுடிகிறது. இதில் ஆச்சரியம் என்னவென்றால் தமிழை கற்றுக்கொடுக்கும் தமிழாசிரியர்கள் தமிழை உயிர் எழுத்துக்களிலிருந்து  ஆரம்பிக்காமல், புதிய தமிழ் கற்கும் முறை என்கிற "ட" எழுத்தை முதலிலும் அதைத் தொடர்ந்து "ப" பிறகு "ய" பிறகு "ம" என எழுத கற்றுத்தந்து பயிற்சிதருவது வித்தியாசமான பயிற்சி முறை. இப்படிப்படிக்கும் இவர்களுக்கு தமிழ் இலக்கணம் எப்படி புரியும் என்பது கேள்விக்குறியாகவே இருக்கிறது. பழைய தமிழ் கல்வி முறையில், உயிர் எழுத்துக்களிலிருந்து ஆரம்பிக்கும் கல்வி வழியில் இலக்கண சுத்தமாக தமிழ் கற்றுத் தேர்வது கடினம் என்கிற நிலையில் இந்த புதிய தமிழ் கற்கும் முறையில் எங்கே நமது தமிழ் மொழியின் தொன்மை சிறிது சிறிதாக குறைந்துவருகிறதோ? என்கிற ஐயம் ஏற்ப்படுகிறது. 

புது தில்லி மற்றும் அதன் சுற்றுப்புற எல்லைகளில் வாழும் தமிழர்களின் இனைய வலைப்பக்கங்கள் 75% ஆங்கிலத்திலும் 25% தமிழ் மொழியிலும் இருக்கிறது, பலர் தமிழில் எழுத படிக்க தெரிந்தவர்களும் எங்கே தமிழில் எழுதி தவறாகப் போகுமோ? என்று அஞ்சி ஆங்கிலத்தில் எழுதுகின்றனர்... பலர் தமிழை கணினியிலும் தமது கைத் தொலைப்பேசியிலும் ஆங்கில எழுத்துக்களில் எழுதி "தமிளிங்கிலீஸ்" என்று தமிழை கொச்சைப் படுத்துபவர்களும் இருக்கிறார்கள்.

வெளி மாநிலங்களிலும் வெளி நாடுகளிலும் வாழும் தமிழர்களுக்கு தமிழ் நிகழ்ச்சியின் அழைப்பிதழ், எதோ ஒரு சிலரின் மொழியின் மீதிருக்கும் பற்றுதலால் தமிழிலும், மற்றவர்களுக்கு ஆங்கிலத்திலும் அச்சடிக்கவேண்டிய கட்டாயம் ஏற்ப்பட்டுள்ளது. 

வாய்ப்புகள் ஒருபக்கம் இருந்தும், உரிய முறையில் பயன்படுத்தமுடியாத வகையிலும், ஒருபுறம் வாய்ப்புகள் இல்லையே என்று ஏங்கும் வகையிலும் தவிக்கும் தமிழர்களுக்கு, நான் சொல்ல நினைப்பது...........இவை அனைத்தும் "தமிழரால் தகர்த்திடவேண்டிய தடைகள்" என்று சொன்னால் அது மிகையாகாது ..........

அன்புடன் கோகி-ரேடியோ மார்கோனி... புதுதில்லியிலிருந்து........... 

        

செய்தி காட்டுத் தீ போல சிரிப்பா சிரிக்குது....சிரிப்பு சிரிப்பு.....

நாடு முழுவதும் "மாட்டிறைச்சி" செய்தி காட்டுத் தீ போல சிரிப்பா சிரிக்குது....சிரிப்பு சிரிப்பு.....

#என்னப்பா தயாரிப்பாளர் வீட்டின் முன் எல்லாரும் ஏன் இப்படி வரிசையா நிக்கிறாங்க?

தற்ப்போதைய நிலைமைக்கு தகுந்த "மாடுகள் பற்றிய கதையை" திரைப்படமா எடுக்க, கதை வேணும்னு  விளம்பரம் செய்திருந்ததால இத்தனைப்பேர் கதையோட நேரில் வந்திருக்காங்க!!!  (கோகி)

#1. மாட்டுச் சந்தைக்கு போய், மாடு வாங்கப்போறேன்னு சொன்னதால, ஊர் மக்களெல்லாம் என்னை துரத்திக்கிட்டு வராங்க,  ....காவல் துறை ஏட்டைய்யா.... என்னைக்.... காப்பாத்துங்க!!!!! (கோகி)

#2. தேர்தலுக்கு "மாட்டுச் சின்னம்" தரப்பட்டது எங்கள் புதிய கட்சிக்கு எதிராக செய்யப்பட்ட சூழ்ச்சி .....இதை நாங்கள் வன்மையாக கண்டிக்கிறோம்.... (கோகி) 

#3. என்னங்க உங்க அம்மா என்னைப் பற்றி அக்கம் பக்கம் இருப்பவர்களிடம், இவ எங்க வீட்டு "மாட்டுப் பொண்ணு" என்று சொல்லுவது எனக்கு கொஞ்சம்கூட பிடிக்கவில்லை..!!! (கோகி)

#4. நீதிபதி, குற்றம் சாற்றப்பட்டவரிடம்.. நீ ஏன் மாட்டிறைச்சிக்காக  மாடுகளை கொன்றாய் ?  "பசுவதை தடை" சட்டத்தின்படி நீ செய்தது குற்றம் என்பது உனக்குத் தெரியாதா? 

குற்றவாளி கூண்டில் நிற்ப்பவர்:- ஐயா, "பசுவதை தடை" பசு மாட்டுக்குத் தானுங்களே.... நான் இறந்துபோன எருமை மாட்டைத்தான் இறைச்சிக்காக வெட்டினேன்.!!!! (கோகி)

#5. ஆசிரியர்:- வீட்டுப்பாடம் செய்யாம இப்படி எருமை மாடு மாதிரி நிக்கிரையே உனக்கு வெட்கமா இல்லை.

மாணவன்:-.... சார் ரொம்ப மிரட்டாதீங்க,.. மாட்டுக்கறி பற்றிய பாடம் சொல்லித் தரீங்கன்னு போலிசுக்கு போட்டுக்குடுத்துடுவோம்.!!!!!....(கோகி)

#6. அரசு அலுவலக அதிகாரி, அவரது உயர் அதிகாரியிடம்... "சார் அந்த "எ- 5 கிளார்க்-மருது" எந்த வேலையும் செய்யாம எல்லாரையும் மிரட்டிக்கொண்டு காலம் தள்ளுறாரு, இவர வேற எங்கயாவது மாற்றல் செய்துடுங்க"...

அரசு உயர் அதிகாரி:-  இவனையெல்லாம் மாட்டு ஆஸ்பத்திரிக்கு மாத்தினால்தான் சரிபட்டு வருவான். அங்கே பொது மக்கள் இவனை கவனித்துக்(கொள்வார்கள்).....(கோகி)    

#7. டீ கடையில் ஒருவர்:- தொலைக்காட்சியில் செய்தி பார்க்கையில், ஏம்ப்பா மாட்டுக்கறி  கிலோ ஒரு  60/70 ரூபா இருக்குமா?,...... அந்த குடும்பத்துக்கு அரசு 5 இலட்சம் தந்தாங்கன்னா ... பிரதமர் காப்பீட்டுக்கு கூட 2 லட்சம் தானுங்களே!!.... சும்மா வேலைவெட்டி இல்லாதவங்க  இத பத்தி யோசிக்க மாட்டாங்களா????...!!!!!...... (கோகி)....    

#8. இனி மாட்டுப் பிறவி எடுத்தா இந்தியாவில்தான் பிறக்கணும்.....(கோகி) 

#9. மாட்டுக்கு ஏதாவது ஆகிப்போச்சுன்னா "பசு வதை" சட்டம் பாயும்னு இனி யாரும் நம்மள பயமுறுத்த முடியாது!!!!  (கோகி) 

#10.நான் அப்பவே சொன்னேன் மாட்டு லோன் எல்லாம் வேண்டாம் என்று......(கோகி) 

#11. மாட்டுக்கும், கொழிக்கும் பயப்படுற அளவுக்கு ஆட்டுக்கு பயப்படுற காலம் எப்போ வரும்? (கோகி).

#12. அந்தணர்:- தானமா?  அதுவும் கோதானமா??? வேண்டாவே வேண்டாம்... அந்த மாட்டுக்கு ஏதாவது ஆனா,  ஊர் மக்கள் எல்லாம் ஒண்ணா  சேர்ந்து  என்ன அடிச்சு போட்டுடுவா!!!!! ....(கோகி)

"நிதான மந்திரம்" நூறு ஆண்டு ஆரோக்கியமாக வாழ தினம் சொல்லவேண்டிய "மந்திரம்"

"நிதான மந்திரம்" நூறு ஆண்டு ஆரோக்கியமாக வாழ தினம் சொல்லவேண்டிய  "மந்திரம்" 

"நிதானம்", (நிதானமே பிரதானம்)  என்ற மந்திரச்சொல்லை எப்படி பயன்படுத்தலாம்?  

இந்த மந்திரம் உங்களுக்காக, நீங்கள் நினைவில் வைத்து சொல்லிக்கொள்ளவேண்டிய மந்திரச்சொல்லாகும். 

"நிதானம் என்பது வேகத்தோடு சம்மந்தப்பட்ட சொல்லாக இருந்தாலும், நான் இங்கு குறிப்பிட வந்தது உடல் நலம், அது சிறப்பாக இருந்தால் எதையும் நம்மால் சாதிக்க முடியும். 

அதாவது ஒவ்வொரு முறையும் நாம் நமது உணவை உட்கொள்ளும்போது நமக்கு நாமே நினைவில் நிறுத்தி சொல்லிக்கொள்ளவேண்டிய மந்திரச்சொல் இது. 

இந்த அவசர யுகத்தில் அவசர அவசரமாக சரியாக மென்று தின்று விழுங்காத உணவுப்பழக்கத்தினால் செரிமானம் கேட்டு, உடல் நலத்தோடு மனநலமும் கெட்டுப்போவதால் ஏற்ப்படும் விளைவுகளுக்கு ஒரு அளவு என்பது இல்லை. அது எப்படிப்பட்ட இழப்புக்களை உருவாக்கும் என்பதை கற்பனை செய்து கூட பார்க்கமுடியாது.  ஆகவே ஒவொரு முறையும் நாம் நமது உணவை சாப்பிடத் தொடங்கியது முதல் உணவை உண்டு முடிக்கும்வரை இந்த "நிதானம்"....(நிதானமாக உணவை நன்கு மென்று விழுங்கவேண்டும்)  என்கிற மந்திரத்தை நினைவில் நிறுத்தி செயல்படவேண்டிய கட்டாய நிலையில் நாம் இருக்கிறோம். 

* உணவை நன்கு கடித்து மென்று சிறிது சிறிதாக விழுங்கவேண்டும். 

*சாப்பிட்டு முடிக்கும்வரை, இடையில் அவசியம் தேவை ஏற்ப்படாத நிலையில்,  தண்ணீர் பருகுவதை தவிர்க்கவேண்டும். சாப்பிட்டு முடித்தபிறகு தண்ணீர் பருகவது செரிமானத்திற்கு சிறந்தது.  

*வாயை மூடி பிறகு உணவை மென்று விழுங்கவேண்டும், வாயை திறந்தபடி மெல்லுவதால், உணவோடு காற்றும் சேர்ந்து விழுங்கப்படுவதால் வயிற்றில் வாயுத் தொல்லைகள் ஏற்ப்பட்டு, செரிமானமும் அதோடு தூக்கமும் கெட்டுப்போகும்.  

*பேசிக்கொண்டே சாப்பிடுவதை தவிர்க்கவேண்டும், அப்படி செய்வதால் உணவின் சுவை தெரியாமல் நமது கவனம் திசை திருப்பப்படுவதால், உண்ணும் உணவை செரிக்கத் தேவையான உமிழ் நீர் சுரப்பி தனது வேலையை செய்யாமல் நாம் சாப்பிடும் உணவை கேட்டுப்போகச் செய்யும். ஆகவே நாம் உண்ணும் உணவே விஷமாக மாற வாய்ப்புகள் உள்ளது.

*சாப்பிடுபவரின் கவனம் சிதறாமல், உணவை சுவைத்து ரசித்து உண்ணும் வகையில் மன நிலை இருக்கும்படி பார்த்துக்கொள்வது மிகவும் முக்கியம். 

*உணவை சுவையாக சமைப்பதைவிட, மகிழ்ச்சியாக சாப்பிடும்படி பரிமாறுவது சிறந்தது.    

ஆகவே நிறுத்தி நிதானமாக மென்று விழுங்கவேண்டும் என்கிற இந்த "நிதான" மந்திரத்தின் தன்மையையும் அதன் சக்தியையும் நீங்களும் உணர்வீர்கள் என்றால், உங்களுக்கும் அது   மிகப்பெரிய பயனை பெற்றுத் தரும் என்பதில் சிறிதளவும் ஐயமில்லை.  

விடாமல் முயலுங்கள், ....

விரும்பியதைப் பயிலுங்கள்.

தொடர்ந்து சிந்திப்போம் .....

மீண்டும் சந்திப்போம் ! நன்றி. 

அன்புடன்.... கோகி என்னும் கோபால கிருஷ்ணன் -ரேடியோ மார்கோனி. புது தில்லியிலிருந்து........... 

உழைத்த நாய்க்கு 99% சதவீதம் என்றால், முதலாளியின் பார்வையில் 66% சதவீதம் மட்டுமே???

உழைத்த நாய்க்கு 99% சதவீதம் என்றால், முதலாளியின் பார்வையில் 66% சதவீதம் மட்டுமே???

ஒரு நாள் கடைக்கு நாய் ஒன்று வந்தது. முதலில் கடைகாரர் அந்த நாயை விரட்டினார் பிறகு அதன் வாயில் ஒரு சீட்டை பார்த்தார் அதில் “நாயின் கழத்து பட்டையில் 100ரூபாய் உள்ளது அதை வைத்துக் கொண்டு 5 சோப்பும் 1 ஷாம்பூவையும் கொடுத்து உதவுங்கள்” என்றிருந்தது. கடைக்காரரும் சீட்டில் உள்ளதையும் மீதி சில்லரையையும் பையில் போட்டு கொடுத்தார். நாயும் கவ்விக் கொண்டு சென்றது. கடைக்காரருக்கு ஆச்சரியம் தாங்கவில்லை... 

கடையை மூடிக்கொண்டு நாயின் பின்னலேயே சென்றார். நாய் ஒரு வீட்டின் முன் நின்றது காலால் கதவை தள்ளி பார்த்து, கதவு திறக்கவில்லை. பிறகு கதவை தன் தலையால் முட்டிவிட்டு காத்திருந்தது. சத்தம் கேட்டு நாயின் எஜமானன் வந்தான். நாயை முறைத்து பார்த்துவிட்டு அதை அடிக்க ஆரம்பித்தான். கடைக்காரருக்கு பயங்கர கோபம் , எஜமானனிடம் சென்று “இவ்வளவு அறிவார்ந்த நாயை போய் அடிக்கின்றீர்களே” என்று கேட்டார். அதற்கு அந்த எஜமானன் “இந்த அறிவுகெட்ட நாய் சாவியை மறந்து விட்டு சென்றிருக்கிறது, இந்த மாதம் மூன்றாவது முறையாக இதை செய்கிறது” என்றான்...

கதையின் நீதீ: மற்றவர் பார்வைக்கு என்றுமே அதிகமாக செய்வதாக தெரியலாம் ஆனால் நம் முதளாளிகளின் எதிர்பார்ப்புக்கு நாம் செய்வது என்றுமே குறைச்சல்தான். இல்லையா! 

உங்களை நீங்கள் எப்படி மதிப்பிடுவீர்கள் என்று கேட்டால், நீங்கள் 100% சதவீதம் என சொல்ல தயங்கி 99% சதவீதம் என்று கூறுவீர்களானால்... உங்களின் மதிப்பெண் "99" என்பது  உங்களுக்குத்தான் "99" என்று தெரியும், அதுவே உங்களின் எதிரில் இருப்பவர்களுக்கு "66" என்று தெரியும். ஆகவே இனி உங்களை நீங்கள் 66 என்று மதிப்பிட்டு, நூறு சதவீதத்தை எட்டுவதற்கு மேலும் நிறைய கற்றுக்கொள்ள நினைத்தால் அதுவே மற்றவர்களின் பார்வையில்  "99" என உங்களின்  மதிப்பை உயர்த்திக் காட்டும்.........அன்புடன் கோகி-ரேடியோ மார்கோனி.  

"டெங்கு" என கொள்ளை லாபம் சம்பாதிக்கும் மருத்துவர்கள், ஒரு ஸ்பெஷல் ரிபோர்ட்:

"டெங்கு" என வீண் பயம் பீதி வேண்டாம்!!!! வைரஸ் காச்சலாகவும் இருக்கலாம்.:- பயத்தைப் பயன்படுத்தி கொள்ளை லாபம் சம்பாதிக்கும் மருத்துவமனைகள், ஒரு ஸ்பெஷல் ரிபோர்ட்:-

புது தில்லி மற்றும் அதன் சுற்றுவட்ட மாநிலப் பகுதியில் அமைந்திருக்கும் பல (பிரபல) தனியார் மருத்துவமனையில், பொதுமக்களின் பயத்தையும் படபடப்பையும் பயன்படுத்தி கொள்ளை லாபம் சம்பாதிக்கும் மருத்துவ வியாபாரக்கூடமாக  மாற்றப்பட்டுள்ளது. 

எனது மகனுக்கு ஜுரம் என்று கல்லூரியிலிருந்து தொலைபேசி வந்தபோது நானும் முதலில் இப்படி பயமும் பதற்றமும் அடைந்தேன், கல்லூரி பேரூந்திலிருந்து இறங்கிய எனது மகன் மிகவும் சோர்ந்து களைப்படைந்து காணப்பட்டான். உடனே எனது வீட்டின் அருகே இறுக்கும் அந்த பிரபல தனியார் மருத்துவமனைக்கு சென்றோம். சிறப்பு மருத்துவர் ஒருவர் உடனே இரத்த பரிசோதனை செய்யும்படி  அந்த மருத்துவமனையில் அமைந்திருந்த இரத்த பரிசோதனைக் கூடத்திற்கு செல்லுமாறு ( FBC-Full blood count ) எப். பி. சி -என எழுதி அனுப்பினார். நிறைய கூட்டம் நிரம்பி வழிந்தது, வந்திருந்த அனைவருமே ஜுரத்திர்க்கான இரத்த பரிசோதனை செய்ய காத்திரூந்தனர். அந்த தனியார் மருத்துவமனையில் வந்த கூட்டம் அனைத்திற்குமான இரத்த பரிசோதனை முடிவுகள் மற்றும் அங்கு பரிசோதித்த அனைவரையும் அந்த தனியார் மருத்துவமனையில் அவசர சிகிச்சை பிரிவில் சேர்க்க விழைந்ததை பார்த்தபிறகு எனக்கு சிறிது சந்தேகம் ஏற்ப்பாட்டது சரியாகவே இருந்தது. 

எனது மகனின் இரத்த பரிசோதனை முடிவை பார்த்த மருத்துவர் இரண்டு இடங்களில் வட்டமிட்டு மகனின் இரத்தத்தில் சிலவகையான இரத்த தட்டுக்கள் குறைவாக இருப்பது "டெங்கு" நோய்க்கான அறிகுறியாகவும் இறக்கலாம் ஆகவே உடனே அவசர சிகிச்சை பிரிவில் சேர்க்குமாறு கூறினார்.  நல்லவேளையாக நான் டெங்கு ஜுரத்திர்க்கான இரத்த பரிசோதனைக்குப் பின்னர் அவசர சிகிச்சைப் பிரிவில் சேர்ப்பதாக கூறி அதற்க்குண்டான இரத்த மாதிரியை தந்துவிட்டு மகனை வீட்டிற்கு அழைத்துச் சென்றேன், அப்போது எனக்கு மிகவும் பழக்கமான ஒரு குடும்ப மருத்துவர் அந்த மருத்துவமனையில் சந்திக்க நேர்ந்தது. அவரிடம் விவரம் கூறினேன் உடனே அவர் மருந்து குறிப்பு சீட்டில் ஒவ் ஒரு நான்கு மணி நேரத்திற்கு ஒருமுறை "எலக்ட்ரால்"ORS-என்னும் உடனடி சக்தியைத் தரக்கூடிய பல்வேறு வைடமீன்கள் அடங்கிய பானத்தைக் (தற்போது இது ஆப்பிள் மற்றும் ஆரஞ்சு பானமாக, மாஜா-மாம்பழ ஜூஸ் போல டப்பியில் குழலை சொருகி உடனே குடிக்கலாம்)  குடிக்கவேண்டும் என எழுதித்தந்தார்.  

அன்று இரவு ஜுரத்திற்கு பாராசிட்டமைல் மாத்திரையும் அதோடு அந்த எலக்ட்ரால்/ORS-பானத்தையும் பருகியதில் மறுநாள், ஜுரம் இல்லாமல் நேற்றைப்போல சோர்வாக இல்லாமல், புத்துணர்வாகவும் தெம்பாகவும் இருந்தான். அன்று டெங்கு ஜுரத்திர்க்காக இரத்த பரிசோதனை செய்த முடிவை பார்த்தபோது அவனுக்கு டெங்கு ஜுரம் இல்லை என்பது தெரிந்தது,  முடிவைப்பார்த்த மருத்துவர் டெங்கு ஜுரம் இல்லை ஆகவே டைப்பாய்டு ஜுரமாக இருக்குமோ என்று இரத்த பரிசோதனை செய்யச் சொன்னார்கள். வேறு வழியில்லாமல் அதையும் செய்துவிட்டு அதன் முடிவிற்காக காத்திருந்தோம். 

மறுநாள்  டைப்பாய்டு ஜுரம் இல்லை என இரத்த பரிசோதனை முடிவு வந்தபோது. அந்த சிறப்பு மருத்துவர் கூறினார் இது எதோ வைரல் ஜுரமாக இருக்கும் என்பதால் அதற்க்குண்டான சோதனைகளை செய்யச்சொன்னார். இதைப்பார்த்த எனது மகன் அங்கேயே சண்டைக்கு வந்துவிட்டான் எனக்குத்தான் இப்போது ஜுரம் இல்லையே வைரல் ஜுரம் இருக்கலாம் என்றால் அதற்குண்டான மருந்து மாத்திரிகளை எழுதித் தரலாமே என்றான். மருத்துவர் மேலும் கீழும் பார்த்துவிட்டு மருந்து மாத்திரைகளை எழுதித் தந்தார். 

அந்த தனியார் மருத்துவமனையில் இருந்த இரத்த  பரிசோதனை நிலையத்தின் மீது சந்தேகம் எழுந்ததால், வேறொரு பிரபல இரத்த பரிசோதனைக் கூடத்தில் என் மகனின் இரத்தம் பரிசோதித்தபோது, அந்த குறிப்பிட்ட இரத்த தட்டுக்களின் எண்ணிக்கை தேவையான அளவிலும் சென்ற பரிசோதனை முடிவைக் காட்டிலும் கூடுதலாக இருந்தது தெரியவந்தது. 

எனக்கு என்ன சந்தேகமென்றால். இரத்த பரிசோதனையைக் கூடவா மருத்துவமனைக்கு சாதகமாக அமையுமாறு பரிசோதனை முடிவு என சான்றளிக்கப்படுவது எந்த விதத்தில் சரி என்று தெரியவில்லை. விவரம் கேட்டபோது அந்த மருத்துவமனையில் இரத்த பரிசோதனைகள் செய்வது வேறு ஒரு பிரபல இரத்த பரிசோதனை செய்யும் குழுமம் என்பது தெரியவந்தது. இதில் கூடவா கொள்ளை லாபம் அடிக்க கூட்டு முயற்சியில் ஈடுபடுவார்கள்.  விவரம் தெரியாத பலர் தமது குழந்தைகளை அவசர சிகிச்சை பிரிவில் சேர்த்து தொடர்ந்து ஒரு வாரம் மருத்துவமனையில் மருத்துவம் என்கிற பெயரில் நிறைய பணம் செலவு  செய்கிறார்கள்.   மருத்துவம் எப்படியெல்லாம் வியாபரமாகிக்கொண்டு போகிறது என்று பார்க்கையில் மனம் பட படக்கிறது. 

இது  குறித்து நிறைய விவரங்கள் தெரியவந்தது நேரமின்மையால் பிறகு வேறு ஒரு பதிவில் தெரிவிக்கிறேன்... நன்றிகளுடன் கோகி-ரேடியோ மார்கோனி.

கொலுசுவின் புது முயற்சி.....

கொலுசுவின் புது முயற்சி 

========================

வரும் அக்டோபர் மாதம் முதல் "கொலுசு" இதழில் ஒரு புது முயற்சியாக, கவிதைகளை ஒலி வடிவில் தர இருக்கிறார்கள். ஆகவே, தங்களின் கவிதைகளை ஒலி வடிவில் பதிவு செய்து (.mp3) அனுப்பினால், ஆசிரியர் குழு தேர்ந்தெடுக்கும் ஒலி வடிவக் கவிதைகள் இதழில் இடம் பெறும் என்பதை மகிழ்வுடன் தெரிவித்து கொள்கிறோம். தங்கள் கவிதைகளை தங்களது குரலிலே தமிழ் உலகமே கேட்கும் ஓர் அரிய வாய்ப்பு .

ஒலிவடிவக் கவிதைகளைஅனுப்பவேண்டிய முகவரி  "kolusu.in@gmail.com"

இதை தங்கள் கவிதை நண்பர்களுக்கும் பகிருங்கள் ..நன்றி...கோகி

.....மாப்பிள்ளைதான்:-"A DAY BEFORE MY LIFE START "

மாப்பிள்ளைதான்:-"A DAY BEFORE MY LIFE START" பழைய புகைப்படம்........ தேடி எடுத்ததா!?  இல்லை இல்லை, அதுவா நம்ம கண்ணுல பட்டுது....அப்புறம் என்ன?....நிறைய விஷயங்கள் ஞாபகம் வருது.......... ஆரம்பத்துல சிதம்பரம்(நடராஜர்) ஆட்சிதான் போகப் போக மதுரை(மீனாட்சி) ஆட்சிக்கு கொண்டு வந்துடறாங்கப்பா!!!!... திருமண வாழ்க்கையில் விட்டுக்குடுக்குற மனப்பான்மை முக்கியமா புருசனுக்கு இல்லாம போச்சின்னா,  சமூகம் பெண்களை திட்டுவது இருக்கட்டும், ஆண்களைக்கூட  "ஒரு பெண்ணை கட்டி குடும்பம் நடத்த துப்பிலையே உனக்குன்னு' மனைவி கோபித்துக்கொண்டு அவங்க அம்மா வீட்டிற்கு சென்றுவிட்டால'  நமக்குத்தான் டோஸ் ...அசிங்கமப்பா" ......அதனால, எல்லா ஆண்பிள்ளைகளும் இப்படித்தான் எதுக்கு வம்புன்னு அவங்க சொல்லறது சரிதான்னு தலைய ஆட்டிடுறாங்க.....அப்புறம் என்ன? மதுரை(மீனாட்சி) ஆட்சி ஏற்ப்படுகிறது....... இருந்தாலும் இந்த விஷயத்தை பெண்கள் புரிந்துகொள்ள மறுக்கிறார்கள்.....ரொம்ப அடம் பிடிக்கிறாங்கப்பா!!!!.....

எங்கள் வீட்டில் நாங்கள் 6 குழந்தைகள் 2அக்கா பிறகு நான் அடுத்தது என் தம்பி, அதற்க்கு பிறகு 2 தங்கைகள்.... ஆகவே இரண்டு தங்கைகளுக்கு  திருமணம் முடியட்டும் பிறகு எனக்கு பார்க்கலாம் என்று அப்பா,அம்மா  சொல்லவில்லை... நானே முடியாது என்றேன்..... அதான் 2 தங்கைக்கும் கல்யாணம் ஆயிடுத்தே உனக்கு பொண்ணு பார்க்கலாமா? என்ற அம்மாவிடம் இன்னும் 2 வருடம் போகட்டும் தங்கைகளுக்கு தலை தீபாவளி, பொங்கல்... வளைகாப்பு சீமந்தம் மற்றும் ஒரு குழந்தை பிறக்கட்டும்... காது குத்தல் எல்லாம் ஓரளவு முடிந்திருந்த நேரம் .....  "கல்யாண பொருத்தம் ரொம்ப அருமை,  நீயும் பெண்ணைப் பாக்கணும் (பின்.குறிப்பு:-பெண்ணிற்கு ஹிந்தி பேச தெரியுமாம்) சீக்கிரம் புறப்பட்டு சென்னைக்கு வா" என்று அம்மாவின் அழைப்பு (பெண்ணின் புகைப்படம் அனுப்பியிருந்தார்...அம்மாவுக்கு மிகுந்த நம்பிக்கை எப்படியும் பையன் விழுந்துடுவான்... புகைப்படத்தில் பொண்ணு  "பேஷா" இருக்கா..!!!)

ஆகவே... நான் தில்லியிலிருந்து உடனே கிளம்பி சென்னைக்கு நேரிலேயே வந்துவிட்டேன்... எப்போது பெண் பார்க்க போகிறோம்???, எதுக்கு திரும்ப திரும்ப நிச்சயதார்த்தம் அது இது என்று அடிக்கடி தில்லியிலிருந்து வரவேண்டும், நிச்சயதார்த்த புடவையும் வாங்கிக்கொண்டு பெண் பார்க்கும்போதே நிச்சயமும்  செய்துவிட்டு வரலாமே, நேரடியாக திருமண தேதி குரித்துவிடலாமே என்றேன்.......பரவாயில்லையே நல்ல ஐடியா என்று கூறியதோடு அப்படியே செய்தோம்.... (என் மைண்ட் வாயிஸ் :- உன் மூஞ்சிக்கு ஒரு பெண் கிடைத்ததும் அப்படியே அமுக்கிடலாம்னு தானே...நான் நாசூக்காக என் மனதை - "கம்முனு கட" என்றேன் ... உண்மையை சொல்ல விடமாட்டேங்கிறாங்கப்பா.....).

பெண்வீட்டில் அனைவருக்கும் சகஜமாகப் பேசிப் பழகும் என்னைப் பிடித்திருந்தது. மாப்பிள்ளைக்கு "ஒகே" என்றனர்....... எங்கோ வானொலியில் பாட்டு பாடுவதுபோல எனது மைண்ட் வாய்ஸ்  "மாப்பிள்ளை டோய்! மாப்பிள்ளை டோய், மணியான மதராசு, மாப்பிள்ளை டோய்" ...........

சினிமா பார்க்கும்போது பாட்டு முடிந்ததும் என்ன நடக்குமோ என்பதுபோல மனசுக்குள்ள ஒரு டக் டக் ...அதுபோல என் மனது சொன்னது ...பொறுமையா இரு, "மாப்பிள்ளை பிடித்திருக்கிறது" என்று பொண்ணு சொல்லணுமில்ல..... எங்கே இந்தப் பெண் மாப்பிள்ளை பிடிக்கவில்லை என்று சொல்லிவிட்டால்.... எனவே சற்றும் யோசிக்காமல் "பெண்ணிடம் நான் தனியாக பேசவேண்டும் என்றேன்" என்னுடைய அம்மா மற்றும் அக்காவும் மாமாவும் டேய் என்னடா இது என்றார்கள்?

....... புரிந்துகொண்ட எனது மாமியார்வீட்டினர் சம்மதம் என்றார்கள்..... சென்னை IIT-குடியிருப்பு வளாகத்தின்.... வீட்டின் பின் பகுதி என நினைக்கிறேன்... நான்தான் நிறைய பேசினேன்- எனக்கு  மனைவியாகப்போகும் கல்யாணப் பொண்ணு எதுவும் பேசவில்லை.. ஆனால் திருமணத்திற்குப் பிறகு இது மாறிவிட்டது-மனைவி அதிகம் பேசினார்.... அட வீட்டுக்கு வீடு வாசப்படி.... இது எல்லாம் சகஜமப்பா". 

"மனிதன் தனது வாழ்க்கையை அவனது திருமணத்திற்குப் பிறகுதான் தொடங்குகின்றான்" எதோ புத்தகத்தில் படித்தது..... ஆகவே நான் எனது வாழ்க்கையை தேடங்கவிருக்கும் நாளுக்கு முந்தய நாள் மாலை நேரம் "A DAY BEFORE MY LIFE START" (தலைப்பு புரிந்துவிட்டதல்லவா?) அன்று மாப்பிள்ளை அழைப்பு...... அந்த நேரத்தில் என் மனதில் எங்கோ வானொலியில் பாட்டு பாடுவதுபோல, எனது மைண்ட் வாய்ஸ் "மாப்பிள்ளையாகி ஆனந்தமாக மன மாலை சூடிடும்... கல்யாணம்..ஹ ஹ ஹா கல்யாணம், கல்யாணம்"...  

கோவிலிலிருந்து கல்யாண மண்டபத்தை நோக்கி சென்றுகொண்டிருக்கிறேன்.  திருமண மண்டபத்தை நெருங்கிவிட்டோம் மண்டபத்திலிருந்து மணமகள் அழைத்துவரப்படுகிறாள் என்னோடு மாப்பிளை அழைப்பு வாகனத்தில் இருவரும் சேர்ந்து அமர எங்களை சுற்றி இருக்கும் சுற்றமும், நட்பும் கேலி பேசிக்கொண்டதை மேலும் பல பக்கங்கள் எழுதலாம் இருந்தாலும் சுற்றத்தினர்கள் அவரவர் கைக் குழந்தைகளை மாப்பிள்ளை மற்றும் மணப்பெண்ணின் மடியில் அமர செய்து புகைப்படம் எடுப்பது என்பது தற்போது பாரம்பரிய செயலாகிவிட்டது. எனக்கும் குழந்தைகள் என்றால் மனதுக்கு பிடிக்கும் என்பதால் எனது மடியில் அமர சற்றும் யோசிக்காமல் இடம் கொடுத்தது...(புகைப்படத்தில் இருப்பது எனது மடியில் என்னுடைய தாய்மாமாவின் மகளின் குழந்தை அதாவது எனது தாய்மாமாவின் பேத்தி) ........குழந்தைகள்  "சு-சு" பண்ணிவிட்டால் அதுவேற கேலி கூத்து என்று... எனது மனைவி மிகவும் கவனமாக அதை தவிர்த்தார் என்று  பிறகுதான் தெரிந்தது....

மாப்பிள்ளை அழைப்பு நடந்த அன்று இரவு கல்யாண மண்டபத்தில் பெரிய சண்டை "மாப்பிள்ளைக்கு" இரவு தூங்க தலையணை தரவில்லை என்று ...
அடடா அப்புறம் என்னாச்சு....
 (தொடரும்)...

வாழ்க்கையில் விடாமல் முயலுங்கள்....
(முயலும் வெல்லும், ஆமையும் வெல்லும்...முயலாமை வெல்லாது).
விரும்பியதைப் பயிலுங்கள், 
தொடர்ந்து சிந்திப்போம், 
மீண்டும் சந்திப்போம் ,
நன்றிகளுடன் கோகி-ரேடியோ மார்கோனி-புது தில்லியிலிருந்து.

ஏமாறுவது தவறா? அல்லது ஏமாற்றுவது தவறா?

ஏமாறுவது தவறா? அல்லது ஏமாற்றுவது தவறா?

கண்ணுக்கு தெரியாத அளவில் மிக மெல்லிய இழையில் நெய்த புது ஆடை செய்துதருகிறோம் என்று இரண்டு நெசவாளர் போன்ற ஏமாற்றுப் பேர்வழிகள், அரசரை சம்மதிக்கவைத்து எந்த வேலையும் செய்யாமல் பல காலமாக அரான்மனையின் விருந்தினராக ஏக போகங்களை அனுபவித்து வந்தனர்.

அரசர் அந்த இருவரையும் அவைக்கு அழைத்து, இனி பொறுமையாக இருக்கமுடியாது, ஆகவே நாளை நீங்கள் நெய்த ஆடையை அணிந்து நகர்வலம் வரப்போகிறேன், உடையை தயார் செய்து வையுங்கள் என்று கட்டளையிட்டார்.

அரசக் கட்டளையை கேட்ட அந்த இரண்டு ஏமாற்றுக் காரர்களுக்கு பயம் வந்துவிட்டது, சமாளித்துக்கொண்டு "அரசே நாங்கள் நெய்த அந்த சிறப்பு உடையானது நல்லவர்கள் கண்களுக்குத்தான் தெரியும், கெட்டவர்கள் கண்கள்க்குத் தெரியாது என்றனர். இதைக்கேட்ட அரசரோடு வீட்டிருந்த அவையிரருக்கும் மிகுந்த ஆச்சரியமாக இருந்தது.

ஆகவே அனைவரும் அரசர் அணியப்போகும் அந்த சிறப்பு உடையை பார்க்க ஆவலாக காத்திருந்தனர்......நீங்களும் நானும் எல்லோரும்தான் .... காத்திருக்கிறோம் .... இப்போது சொல்லுங்கள் உங்களுக்கு உடை மற்றும் நான் கேட்ட கேள்விக்கு விடை தெரிகிறதா? .."ஆம்" அல்லது "இல்லை" இந்த இரண்டு வார்த்தைகளை மட்டுமே பயன்படுத்தி பதில் கூற முடியுமா? .. . நன்றிகளுடன் கோகி-ரேடியோ மார்கோனி. .........

தமிழ் தாத்தா உ.வே.சா.அவர்கள் எழுதிய‘மரத்தேப்பூ’, ‘மரத்தேப்பூ’....‘டிங்கினானே, டிங்கினானே, டிங்கினானே’:-

மகாவித்வான் மீனாட்சிசுந்தரம் பிள்ளையவர்களிடம் உ.வே. சாமிநாதையர் மாணவராய்த் தங்கிப் பல நூல்களைப் பாடம் கேட்டு வந்தார். அப்பொழுது சவேரிநாத பிள்ளை என்ற கிறித்தவரும் உடனிருந்து பாடம் கேட்டு வந்தார். இப்போது உ.வே.சா. எழுதிய நான் கண்டதும் கேட்டதும் நூலிலிருந்து ஒரு பகுதி :

ஒரு நாள் பிற்பகலில் பிள்ளையவர்கள் சவேரிநாத பிள்ளையை ஒரு காரியமாக மாயவரத்தில் முனிசீப்பாக இருந்த வேதநாயகம் பிள்ளையிடம் அனுப்பினார்கள். அங்குச் சென்ற சவேரிநாத பிள்ளை இரவு 12 மணியாகியும் திரும்பி வரவில்லை. பிறகு 2 மணிக்கு வந்தார். வந்தவரை “ஏன் இவ்வளவு காலதாமதம்” என்று பிள்ளை வினவினார். அதற்குப் பின்வருமாறு சவேரிநாதர் பதில் கூறினார்:

நான் இரண்டு மணிக்கு வந்ததே பெரும் பிரயாசையாகி விட்டது. முனிசீப் வீட்டிற்கு வருகையில் இரவு 9 மணியாகிவிட்டது. அவர்களோடு பேச வேண்டிய காரியத்தைப் பேசிவிட்டுத் திரும்பும் போது இரவு மணி பதினொன்று. எங்கும் மையிருட்டாய் இருந்தது.

அங்கிருந்து புறப்பட்டுச் சிறிது தூரம் வந்தேன், பெரிய மைதானத்துக்கு அருகில் வந்த போது திடீரென்று காலில் ஏதோ தட்டியது. கட்டையாக இருக்கலாமென்று எண்ணி நான் சிறிது ஒதுங்கி வர ஆரம்பித்தேன். அந்த இடத்திலும் என் காலில் ஒன்று இடித்தது. இருட்டு மிகுதியாய் இருந்ததால் எனக்குப் பயம் ஏற்பட்டது. மனத்தைத் திடப்படுத்திக் கொண்டு அந்த இடத்தை ஊன்றிக் கவனித்தேன்.

என்ன ஆச்சரியம்! அங்கே வழி நெடுக அநேக ஜனங்கள் உட்கார்ந்து கொண்டிருந்தார்கள். அவர்கள் சிறிதேனும் சத்தம் செய்யவில்லை. மெல்லக் குனிந்து ஒருவரைத் தடவித் தொட்டுப் பார்த்து வழிவிட வேண்டும் என்று வேண்டிக் கொண்டேன். அதற்குள், மற்றொருவர் எழுந்து என் காதில், ‘முட்டாளே, பேசாதே! பாரதக்கதை நடக்குது’ என்று சொல்லிவிட்டு என் கையைப் பிடித்து இழுத்துக் கீழே உட்கார வைத்துவிட்டார். நாம் நினைத்தபடி அவ்வளவு அபாயம் இல்லை என்று எனக்கு ஆறுதல் உண்டாயிற்று. பெருமூச்சு விட்டேன். எங்கே பாரதம் நடக்கிறது என்று கவனித்தேன்.

ஏதோ பாட்டுப் போன்ற ஒரு தொனி காதில் விழுந்தது. அதனொடு இடையிடையே ஆமாமா! என்ற சத்தமும், உடுக்கையொலியும் பம்பையின் முழக்கமும் ஒன்றன்பின் ஒன்றாய்க் கேட்டன. என்ன கூறப்படுகின்றன என்று காதை நிமிர்த்திக் கொண்டு கேட்டேன்.

‘பீமசேன மவராசா, மவராசா, மவராசா!’ என்றார் முதல்வர். ‘ஆமாமா!’ என்றார் பின்பாட்டுக்காரர். ‘மரத்தேப்பூ’, ‘மரத்தேப்பூ’ என்று உற்சாகத்தோடு கைகளைக் கீழும் மேலும் அசைத்துக்கொண்டு கர்ச்சனை செய்தார் பிரசங்கியார். பின்பாட்டுக்காரர் ‘ஆமாமா’ என்று மூன்று முறை முழங்கினார். அப்பால் உடுக்கையின் ஓசையும் பம்பையின் முழக்கமும் எழுந்தன. இப்படிச் சில நிமிஷம் முழங்கியபின் உடுக்கைக்காரர்,

‘டிங்கினானே, டிங்கினானே, டிங்கினானே’ என்று சொல்லி ஆலாபனம் செய்யத் தொடங்கிவிட்டார். ஜனங்கள் எல்லாரும் சந்தோஷ ஆரவாரம் செய்தனர். அவ்வளவு பெரிய கூட்டத்தில் நான் மட்டும் அந்த ஆனந்தத்தை அனுபவிக்கக் கொடுத்து வைக்கவில்லை. மேடையில் நடந்த கதை ‘பாரதம்’ என்பதை பீமசேன மவராசா என்ற சத்தத்தால் அறிந்தேன். அதற்கு மேல் நான் கேட்ட முழக்கங்களின் பொருள் எனக்கு விளங்கவில்லை.

வரும்பொழுது ஒருவரோடு ஒருவர் பேசி வருகையில் பிரசங்கியார் சொன்ன வாக்கியம் ஒரு யானையை அடிப்பதற்குப் பீமசேனன் மரத்தைப் பிடுங்கினான் என்பதென்று தெரிய வந்தது. இந்த ‘டிங்கினானே’ வரலாற்றைப் பிள்ளையவர்கள் அங்கே வருபவர்களுக்கெல்லாம் சவேரிநாத பிள்ளையைக் கொண்டு சொல்லிக் காட்டி வந்தார்கள்.

உ.வே.சா.வின் சுயசரிதம், சுவாரிசியமாக எழுதியிருக்கிறார் ... இதுபோல "எங்கோ மனம் பறக்கிறதே கூட எத்தனை முறை படித்தாலும்,  படிக்கப் படிக்க சிரிப்பும் சந்தோசமும் அதிகரிக்கும் .... நன்றிகளுடன் கோகி ...

என் நினைவில் நிறைந்திருக்கும் "அண்ணா"....

இன்று  பேரறிஞர் அண்ணா என்று போற்றப்படும்  திரு.காஞ்சீவரம் நடராசன் அண்ணாதுரை அவர்களின் பிறந்த தினம்(செப்டம்பர்-15), இந்தியாவின் தென் மாநிலங்கள் சிறந்த கல்வித் திறன் பெற்ற மாநிலமாகத் திகழ முக்கிய காரணமாக விளங்கியவர் பேரறிஞர் அண்ணா. நமது தேசத் திருநாட்டின் அனைத்துக் குழந்தைகளும் கல்வி கற்க பள்ளிக்கூடம் வரவேண்டும் என்கிற சீரிய நோக்கில், ஒருவேளை உணவாவது அந்த ஏழை குழந்தைகளுக்கும் பள்ளியில் கிடைக்கும்படி செய்தால் அதற்காகவாவது  நிச்சயம் அனைத்துக் குழந்தைகளும் பள்ளிக்கு வருவார்கள் என்கிற ஆணித்தரமான நம்பிக்கையில், அவர் இயற்றிய திட்டமும், அந்த திட்டத்தை பிடிவாதமாக செயல் படுத்திய விதமும்தான் அவருக்கு சிறப்பான பெயரைப் பெற்றுத்தந்தது. "நேற்றைய முட்டாள்தனமான திட்டம் என்று தூற்றப்பட்ட பல திட்டங்கள் தற்கால சூழலுக்கு மிகவும் ஏற்றவையாக ஏற்றுக்கொள்ளப்பட்டிருக்கிறது". அதற்க்கு ஒரு உதாரணம்தான் பேரறிஞர் அண்ணா அவர்களால் உருவாக்கப்பட்ட திட்டம்.  இன்று உலகமே வியந்து போற்றக்கூடிய திட்டத்தை வகுத்தவர் என்கிற பெருமை அவருக்கு கிடைத்திருக்கிறது என்றால் அதற்குப் பின்னால் எத்தனையோ சிரமங்களையும், எதிர்ப்புக்களையும் எதிர்கொண்டு அவர் நிறைவேற்றிய திட்டம் தான் "மதிய உணவு திட்டம்". கல்யாணம் செய்துப் பார்... வீட்டைக்கட்டிப்பார்  என்கிற மனப்பான்மை கொண்ட மக்கள், பல ஆயிரம் மாணவர்களுக்கு தினமும் உணவு சமைப்பது என்பது 'தினம் ஒரு திருமணம்' செய்வது போல, மிகப்பெரிய செயலாயிற்றே, இது முடியக்கூடிய செயலா? இது என்ன முட்டாள் தனமான திட்டம் என்றெல்லாம் தூற்றினார்கள். 

ஓர் இடத்தில் மிகப் பிரும்மாண்டமான சமையல், பிறகு அது அனைத்துப் பள்ளிக்கூடங்களுக்கும் எடுத்து சென்று விநியோகிக்கப்படும் என்கிற ஏற்பாட்டில் மிகவும் சிரமம் ஏற்பாட்டாலும்.. பின்னாளில் அதை சிறப்பாக செயல்படுத்திய பெருமை, மா மனிதர், கர்மவீரர்  காமராஜருக்கே சென்றடையும். 

அதன் பிறகு அந்த திட்டத்தை மேலும் சிறப்படைய செய்த பெருமை நமது எம் ஜி ஆர் என்கிற திரு. எம்.ஜி. ராமச்சந்திரன் அவர்களைச் சேரும். இவரின் காலத்தில்தான் இந்த திட்டம் உலக அளவில் சிறந்த திட்டமாக செயல்படுத்தப்பாட்டது. 

ஆகவே இன்றைய தினத்தில் தென் மாநிலங்கள் சிறந்த கல்வித்திறன் படைத்த மாநிலமாகத் திகழ மிக முக்கிய காரனமாகத்திகழ்ந்த நமது மனங்களில் என்றும் நிறைந்திருக்கும் பேரறிஞர் அண்ணா அவர்களின் நினைவை போற்றுவோமாக. 

இப்படிக்கு நன்றிகளுடன் 

கோகி என்கிற கோபாலகிருஷ்ணன்-ரேடியோ மார்கோனி.... புது தில்லியிலிருந்து .....

"சேவை வரி" :- சேவை என்றால் என்ன?

சேவை வரி :- சேவை என்றால் எவ்வித எதிர்பார்ப்பும் இன்றி பிறருக்கு செய்யும் தொண்டுக்கு சேவை என்று பெயர் அப்படிப்பட்ட சேவைக்கும் வரி என்பது சரியில் என்பது பலரது வாதம் ... சேவை என்பதற்கு பதிலாக ஆதாய வரி என்று இருந்திருக்கலாமே என்பது ஒரு எண்ணம் தோன்றுவது இயல்பே.

"ஆதாய வரி" என்பது அர்த்தம் வேறு அது வேறு ஒரு வரி விதிப்பின் கிழ் வருகிறது, இருப்பினும் அரசாங்கம் இந்த சேவை வரி என்பதில் சில பிரிவுகளை ஏற்ப்படுத்தி சில சலுகைகள் அறிவித்துள்ளது குறிப்பிடப்படவேண்டும்.  என்ன இருந்தாலும் சேவைக்கு வரி என்பது சரியில்ல என்றுதான் தோன்றுகிறது. மக்களின் அன்றாட தேவையான உணவு உடை கல்வி இருப்பிடம் போன்ற அனைத்துமே சேவை வரியின் கீழ் வருவது வேதனைக்குரிய விஷயம். 

கடன் பெற்றால் அதற்க்கு வட்டி கட்டவேண்டும் என்கிற கவலையோடு தற்ப்போது சேவை வரிச்சுமையும் சேர்ந்து சுமப்பது என்பது பல மக்களின் மனங்களில் புகைகின்ற வேதனை எப்போது எங்கு வெடிக்கும் என்று தெரியவில்லை, 

பள்ளிக்கூடம் மற்றும் கல்லூரிவரையில் மாணவர்கள் கல்விகற்கும் செலவே மிகவும் சுமையான செலவுதான் இதோடு அந்த செலவுகளும் சேவை வரியின்கீழ் வருவது மிகவும் வேதனையான வரிச்சுமை, அரசு இதற்க்கு வருமான வரிவிதிப்பில் கல்விச் செலவுகளுக்குஆகும் செலவுகளை 80சி யின் கீழ் தள்ளுபடி தருவதாக கூறுவது ஏழை விவசாயி, மற்றும் வருமான வரிக்குட்படாத பல பெற்றோர்களின் குழந்தைகளின் கல்வி செலவுகளில், மாணவர்களின் வயிற்றில் அடிப்பதுபோலத்தான்... இப்படி பலவிதங்களில் ஆராய்ந்து பார்க்கும்போது மிஞ்சுவது வருத்தம் மட்டுமே. 

ஆகவே சேவை வரிபற்றிய மேலும் பலரது கருத்துக்களையும் ஆராய்ந்து பார்க்கவேண்டிய கட்டாயத்தில் நாம் இருக்கிறோம், நீங்களும் இதில் பாதிப்படைந்திருந்தால் உங்களின் ஆலோசனை என்ன? வாருங்கள் இதைப்பற்றி மேலும் அலசுவோம், ஆரோக்கியமான வழியில் உங்களின் கருத்துக்களை தெரிவியுங்கள் . தங்களின் மேலான கவனம் இந்தப் பதவில் திருப்பியமைக்கு நன்றிகளுடன் கோகி என்னும் கோபாலகிருஷ்ணன்-ரேடியோ மார்கோனி. 

மாதக்கடைசி பணத் தட்டுப்பாடு, ATM-வரை சென்று பணம் எடுக்க முடியாத சூழ்நிலை, திடீர் என நண்பர்கள் கூட்டம் வீட்டிற்கு வருகை தர

மாதக்கடைசி பணத் தட்டுப்பாடு, ATM-வரை சென்று பணம் எடுக்க முடியாத சூழ்நிலை,  திடீர் என நண்பர்கள் கூட்டம் வீட்டிற்கு வருகை தர, வேறு வழியில்லாமல் பாலில் தண்ணீர் ஊற்றி, காப்பி கலக்கமுடியாமல் எங்கே கண்டுபிடித்துவிடுவார்களோ, என்று அனைவருக்கும்   சுடச் சுட ஏலக்காய் மணக்க தேநீர் "டி" பருகத்தந்தோம்.  அனைவரும் கிளம்பும்போது ஒரு நண்பர் மட்டும் என்னை தனியாக அழைத்து "பாலும் தண்ணி அதில் போட்ட "டீ"யும் தண்ணி, உங்கள் வீட்டில் தண்ணிக்கு பஞ்சமில்லை என நினைக்கிறேன் என்று கூறியதோடு, நிலைமையை புரிந்துகொண்டதாகவும் கூறினார்.... 

நீங்கள் பாலில் தண்ணீர் சேர்த்திருப்பது பிறருக்குத் தெரியாமல் இருக்கலாம். ஆனால் அதன் சுவை காட்டிக்கொடுத்துவிடும். அதுபோல உங்களிடம் நல்ல விஷயங்கள் குறைய குறைய உங்களது செயல் அதனை காட்டிக்கொடுத்துவிடும்.....கோகி ...

Education is the most powerful Weapon.......

It's Never about the Role, It's Always about the Goal....

கின்னஸ் சாதனை படைத்த, 96 மணி நேரத்தில் தயாரித்து நிறுவப்பட்ட, உலகின் மிகப்பெரிய புத்தகத்தின் - காணொளிக்காட்சி இது.... இந்த   "விஸ்வரூப (மெகா சைஸ்) புத்தகம்"  இந்தியாவின் ஹரியானா மாநிலத்தின் சமண மதத்தைச் சார்ந்த புரட்சிகர துறவி  மற்றும் முனிவர் என்று அழைக்கப்படும் (உடலில் ஆடைகள்  ஏதும் அணியாமல்  "அம்மணமாக" அருளாசி வழங்கும்- புரட்சிகர துறவி)   ஸ்ரீ  ஸ்ரீ தருண் சாகரின் சொற்பொழிவுகள் அடங்கிய  விஸ்வரூப புத்தகம் ஒன்றை 2000 கிலோ எடையிலும் 33 அடி உயரம் மற்றும் 22 அடி ஆகலமும் கொண்ட இந்த உலகத்தின் மிகப் பிரும்மாண்டமான புத்தகம் 25 தொழிலாளர்களைக்கொண்டு, இந்திய ரூபாய் 5,00,000/- ஐந்து லட்சம் செலவில் உருவாக்கப்பட்டுள்ளது. இந்தப்புத்தகம் தற்போது ஹரியான மாநிலத்தில் ஆட்சியில் இருக்கும் பி ஜே பி பாரதிய ஜனதா கட்சியைச் சேர்ந்த பிரமுகர்கள் தலைமை ஏற்று புது தில்லிக்கு அருகே அமைந்த "பரிதாபாத்" என்கிற நகரத்தில்  சென்ற மாதம் புத்தகத்தை வெளியிட்டதோடு பொதுமக்கள் பார்வைக்கு திறந்து வைக்கப்பட்டிருக்கிறது.  உலகின் மிகப்பிரிய புத்தகமாகையால் கின்னஸ் மற்றும் லிம்கா சாதனை புத்தகத்தில் இது இடம்பிடித்திருக்கிறது குறிப்பிடத்தக்கது. .... இப்படிக்கு கோகி என்கிற கோபாலகிருஷ்ணன் ரேடியோ மார்கோனி- புது தில்லியிலிருந்து   https://youtu.be/4uGmkJNaL3A https://youtu.be/4uGmkJNaL3A

நிகழ்ச்சி தயாரிப்பாளர் பட்டறையில், காப்பி தயாரிப்பதைப் பற்றிப் பார்ப்போம், நிகழ்ச்சியின் முதலில் காப்பி குடிக்க தருவதுகூட விருந்தோம்பல் போன்று,  காப்பி -என்பது எந்த ஒரு நிகழ்ச்சிக்கும் சிறப்பம்சமாகவே கருதப்படுகிறது.

காபி தயாரித்தல்தான் ஆண்கள் எல்லோரும் முதலில் கற்கும் அடுப்படி அனுபவம் என்று நான் நினைக்கிறேன்.
ம்...ம் காபி போடுறது மட்டுமா ? புருஷ லட்சணம்..

இக்கரைக்கு அக்கரை  பச்சை
சக்கரைக்கு அக்கறை இச்சை
இதுதான் டபரா டம்பளர் இல்லாமல் வெறுங்கையில் "டி ஆத்துவது"என்பது.

காபி என்றாலே அது பில்டர் காபிதான்!
பேஷ் பேஷ் ரொம்ப நல்லா இருக்கு.
பில்ட்டர் காபியே காபி மற்றெல்லாம் வெறும்
பில்ட் அப் கொடுத்தவை.

ஒரே நிமிடத்தில் காபி தயார் செய்து, அதை மூன்று நிமிடங்கள் ஆனந்தமாக, ருசித்துச் சாப்பிடலாம்.

காபியில் பாலா? பாலில் காபியா? சிலபேர் சுவருக்கு அடிக்கும் பெயின்ட் போல் திக் காபி பேர்வழி என்று காபி போடுவார்கள். எங்கள் வீட்டில் காபி சாப்பிட அழைக்கும் போது, "வேண்டாம் மாமி" என்று அலறி ஓடிய நண்பன்

ஒருவழியா ....காப்பி ,பேஸ்ட்  அல்லது டபரா-டம்பளர் ,ப்ரஷா?

பெயர்க்காரணம் ...? TUMBLE ஆவதால் அது தம்ப்ளர்?
 டம்பளர் கீழே டம்பள் ஆகாமல் இருக்க டபரா என்று ஒன்று கொடுக்கிறார்களே!

கல்யாணம் பண்ணிப்பார் :- டம்பளர் டபரா செட், தட்டு முதலியன காணாமல் போனாலும் நாம் தான் தண்டம் அழ வேண்டும்....

மண்ணெண்ணெய் ஸ்டவ் காப்பி
மறக்கமுடியாத அந்தக்கால காப்பி

(குமுட்டி)கரியடுப்புக் காப்பி
அது பாட்டி போடும் காப்பி
நாக்கு சுட்டுக்கொண்டு குடித்த ஞாபகம்.

பாட்டி உபயோகித்த பித்தளை பில்டரினால் காப்பிக்கு சுவையும் மணமும் கூடுவது பற்றி யாரோ ஒரு பேப்பர் கூட எழுதியிருப்பதாகக் கேள்வி.

பித்தளை டபரா டம்பளர் சில சமயம் ஒரு மாதிரி வாசனை வரும். எனவே காபி குடிக்க எவர் சில்வர் டபரா டம்ளரே சிறந்தது.

காபியின் பரம பக்குவம் அதில் கலக்கும் சர்க்கரையின் அளவைப்பொறுத்து இருக்கும். அவரவருக்கு சரியான அளவில் சக்கரை போடுவது ஒரு கலை. அது அன்பான அம்மா, மனைவி, அக்கா தங்கை இவர்களுக்கு மட்டுமே தெரியும். இவ்வளவு ஏன்? என் காபிக்கு எவ்வளவு சர்க்கரை என்று என்னை விட என்னுடைய திருமதிக்கு தான் சரியாகத் தெரியும். ஆனா எங்காத்து மாமிக்கு மட்டும் காபி பாயாசம்.

பில்ட்டர் காபி டிகாசன் முதலில் வடிகட்டியபிறகு, இரண்டாவது டிகாசனில் கலக்கு காப்பிக்கு சண்டை மண்டை உடையும்.....

அம்மாவின் specifications-ல் அரைக் கொட்டை, முழுக்கொட்டை, வறுக்க, அரைக்க உபயோகப்படும், சாதனங்களும், முறைகளும், அரைத்த பொடியின் grain size, இவற்றுடன், பில்டரில் போடப்படும் பொடியின் அளவு, குடை எனப் படும் distributor உபயோகம், முதலில் உபயோகிக்கும் தண்ணீரின் அளவு, அதன் வெப்ப நிலை, அது ஊற்றப் படும் விதம், இவை தவிர, பவுடர் பால், பசும் பால், எருமைப் பால், பதப் படுத்தப் பட்ட பால் இவற்றின் தன்மை கொண்டும், போடப்படும் சர்க்கரையின் அளவு, கலக்கப் படும் விதம் [ஆற்றல், கலக்கல்] நுரை வேண்டுமா வேண்டாமா என்ற வாதங்களை எல்லாம் தாண்டி, அம்மா எப்போ காப்பி தருவா என்று ஏங்க  வைக்கும் பானம் எங்கள் அம்மாவின் காப்பி.

எதுவானாலும் காபி போடறது ஒரு கலைதான்! அது சிலபேருக்குதான் கைவந்த கலையாகிறது!

உறவுகள் தொடர்கதை... உணர்வுகள் சிறுகதை-சொந்தம் எப்போதும் தொடர்கதைதான்" அதில் ஒரு பகுதியான-(பகுதி -ஏழு)

வானொலியின் "கதையும் பாடலும" நிகழ்ச்சிக்கு நான் உருவாக்கிய (32-வார தொடர்) எனது முதல் விளம்பரதாரர் தொடர் நிகழ்ச்சி தயாரிப்பு..... 2003 ல் நான் எழுதிய இந்த தொடர் 2010 ஜூலை மதத்தில் தொடங்கிய எனது இந்த வானொலி தொடரின் ஏழாவது பகுதி, வானொலி நிலையத்தாரின் வேண்டுகோளுக்கிணங்க புதுப்பட பாடல்களை எனது கதையின் இடையில் பொருத்தி (அந்த வருடத்தின் ஆகஸ்ட் 15 ஞாயிறு அன்று) ஒலிபரப்பான   நிகழ்ச்சி இது.....நிகழ்ச்சி தலைப்பு  "உறவுகள் தொடர்கதை... உணர்வுகள் சிறுகதை - சொந்தம் எப்போதும் தொடர்கதைதான்" அதில் ஒரு பகுதியான-(பகுதி -ஏழு -கதாநாயகியின், தங்கையின் கதை தொடக்கம்-பள்ளிக்கூடம்.) (13 -பாடல்கள் )

 "உறவுகள் தொடர்கதை... உணர்வுகள் சிறுகதை-சொந்தம் எப்போதும் தொடர்கதைதான்" இந்த பாடல் நிகழ்ச்சி ஆரம்பிக்கும்போது சிறிது ஒலிபரப்பாகும். தொடர்ந்து கதையை கனடா பண்பலை வானொலியின் நிகழ்ச்சி தொகுப்பாளர் வாசிப்பார் கதையின் இடையில் பாடல்கள் வரும்.

  

# நானும் (சுந்தர வடிவேல்) எனது நண்பனும் (கிருஷ்ணனும்) எப்போதும் இணைந்தே இருப்போம். 2 ம் வகுப்பிலிருந்து நண்பர்கள், ஒன்றாகவே படித்து வருகிறோம், தற்போது 12 ம் வகுப்பில் படிக்கும் எங்களுக்கு அது முக்கியமான வருடம் என்பதாலும் அதிக மதிப்பெண் எடுத்தால்தான் கல்லூரியில் நாங்கள் எதிர்பார்க்கும் பாடப் பிரிவில் இடம் கிடைக்கும் ஆகவே படிப்பில் அதிக கவனம் வைத்து படித்துவந்தோம்.

பாடல்:-1. முஸ்தப்பா முஸ்தப்பா... (#song-Mustafa Mustafa dont worry  - Kadhal Desam).

அன்று எங்களது  பள்ளியின் கால அட்டவணைப்படி முதல் வகுப்பு தமிழ்... மாணவ மாணவியர் அனைவரும் தமிழ் ஐயா அவர்களின் வருகைக்காக காத்திருந்தோம்...... இன்று அரையாண்டு பரிட்சை விடைத்தாள்கள் அனைத்து மாணவர்க்கும் வகுப்பில் வழங்கப்படும் என்கிற எதிர்ப்பார்ப்பில், ....பின் வரிசையில் ஒரு சிலருக்கு ஏன்டாப்ப பள்ளிக்கு வந்தோம் என்றும், மற்றும் பலருக்கு சற்று பயம் கலந்த இறுக்கமான சுழலில் இருப்பது போல்... அமைதியாக  ஆசிரியரின் வருகைக்காக காத்திருந்தோம். பாடல் 2. நண்பனே எனது உயிர் நண்பனே நீண்ட நாள் உறவிது இன்று போல் என்றுமே தொடர்வது (Nanbane Enathuyir Nanbane-படம் சட்டம்)

நானும் எனது நண்பனும் எப்போதும் இணைந்தே இருப்போம், நாங்கள் உட்காருவது வகுப்பின் முதல் வரிசை, வகுப்பின் பாதியளவு மாணவிகளின் வரிசைக்கு அடுத்த சற்று  இடைவெளிவிட்டு   எங்களின் வரிசை ஆரம்பம்,  நாங்கள்  தேர்வை  நன்கு எழுதி இருந்ததால் மிகுந்த மகிழ்ச்யுடன் ஆசிரியரின் வருகையை எதிர்ப்பார்த்து அமர்ந்திருந்தோம், எங்களுக்கு முதல் மதிப்பெண் நிச்சயம் கிடைக்கும் என்ற மகிழ்ச்சியில் அவ்வப்போது மாணவிகள் பக்கம் கண்கள் திரும்பிப்பார்க்க, முகத்தில் பெருமிதம் பொங்கி வழிந்தது.ஸ்டைலாக சற்று சட்டை காலரை  உயர்த்தலாமா? வேண்டாம்..வேண்டாம்...முதலில் விடைத்தாள் கையில் வரட்டும் பிறகு பார்த்துகொள்ளலாம். இந்த மாணவிகள் ரொம்ப மோசம், விடைத்தாளில் ஏதாவது ஒரு மதிப்பெண்  குறையை காண்பித்து, ஆசிரியரிடம் அழுது மன்றாடி தமது மதிப்பெண்களை சற்று உயர்த்திக்கொண்டு அதனால் முதலிடத்திற்கு முன்னேரிவிடுகின்றனர்... இருக்கட்டும், இந்தமுறை நாமும் முயற்சிப்போம், முதலிடம் நமக்குதான்........ பாடல் 3. மனமே நலமா, உந்தன் மாற்றங்கள் நிஜமா? .(Song-MANAMAE NALAMA. ... AUTOGRAPH)... 

தமிழ் ஐயா (ஆசிரியர்) வகுப்புக்குள் நுழைய அனைவரும் எழுந்து நின்று  வணக்கம் சொல்லி அமர்ந்தோம், வகுப்பை ஒரு முறை சுற்றிப்பார்த்த ஆசிரியர், நான் இன்னும் உங்களது அரையாண்டு விடைத்தாள்களை திருத்தவில்ல என்றார்..... அனைவரிடமிருந்தும் ஒரு பெருமூச்சு வெளிவந்தது. அப்போது ஆசிரியர் எனது நண்பன் கிருஷ்ணனை அழைத்து  எங்கள்  வகுப்பின் அரையாண்டு விடைத்தாள் கட்டை அவனிடம் தந்து, உங்கள்  வகுப்பின் அனைத்து விடைத்தாள்களையும் நியே திருத்தி, சரியான மதிப்பெண் வழங்கி, நாளைக்குள் திரும்ப என்னிடம் ஒப்படைக்கவேண்டும், உனது நண்பன் வடிவேலையும் உனக்கு உதவியாக சேர்த்துக்கொள் என்று கூறி, அவர் அந்தப்பளியின் உதவி தலைமை ஆசிரியராக இருந்ததால், பள்ளியின் முக்கிய அலுவலக வேலை இருப்பதாக கூறி, உடனே வகுப்பை விட்டு சென்றுவிட்டார். (செல்வதற்கு முன் எங்களிடம்  "கவனமாகவும் வகுப்பில் ஒருவரும் குறை சொல்லாத அளவில் சரியாக விடைத்தாள்கள்  திருத்தப்படவேண்டும்  என கட்டளையிட்டார் ) பாடல் 4. #படம் : கர்ணன் இசை : விசுவனாதன் ராமமூர்த்தி, பாடலை இயற்றியவர் : கண்ணதாசன் பாடல் "என்னுயிர் தோழி கேளொரு சேதி இதுதானோ உங்கள் மன்னவன் நீதி.."

!!!!அவ்வளவுதான் வகுப்பில் அனைவரது கண்களும் எங்கள் பக்கம்  திரும்ப,  நாங்கள் மிகப்பெரிய உருவம் பெற்றதுபோல்...(விஸ்வரூபம்)... காற்றில் மிதக்கலானோம். எங்களுக்கு இப்படி ஓர் வாய்ப்பா? சற்றுநேரம் எங்களுக்கு ஒன்றும் புரியவில்லை... திக்குமுக்காடிப்போனோம். பாடல் 5.(song-Indha Nimidam -Movie Pallikoodam) இந்த நிமிடம் இந்த நிமிடம் இப்படியே உறையாதா, இந்த நெருக்கம் இந்த நெருக்கம் இப்படியே தொட...ராதா.... 

அரையாண்டு விடைத்தாள் கட்டு எங்கள்  கையில் வந்தபோது மிகப்பெரிய பொறுப்பு வந்துவிட்டதுபோல் உணர்ந்தோம்.  சில மாணவிகள் எங்கள் பக்கம் ஓடி வந்து,  நாங்கள் "கோனார் தமிழ் உரைநடை" பாட நூலின்படி தேர்வு எழுதிள்ளோம், ஆகவே நீங்கள் எங்களது விடைத்தாள்களை இதைபார்த்து படித்து திருத்துங்கள் என்றார்கள்.... இன்னும் சிலர் வேறு பல உரைநடை விடைத்தாள் நூலையும் தந்து கவனமாக திருத்தும்படி கூறினார்கள்..... கையிலும், மனதிலும் மிக அதிக கணம்...... நிரம்பியது போல் உணர்தோம்...... (அன்று இரவுமுழுதும்  தூங்காமல் (கண்ணில் விளக்கெண்ணை தடவிக்கொண்டு என்பார்களே... அதுபோல) பெருமுயற்சியின் விளைவாக ஏற்றுக்கொண்ட பணியை விடியற்காலை 3 மணியளவில் முடித்தோம்.)

பாடல் 6. தோழா   தோழா  தோள்கொடு  கொஞ்சம்  சஞ்சிகனும் -  (singer சித்ரா, Movie-Paandavar Bhoomi)

  

மறுநாள் திருத்திய விடைத்தாள் கட்டுக்களுடன்,  சரியாக பள்ளிமனியாடிக்கும்போதுதான் வகுப்புக்குள் நுழைந்தோம். வழக்கம்போல ஆசிரியர் தமிழ் அய்யா வகுப்புக்குள் நுழைய அனைவரும் எழுந்து நின்று  வணக்கம் சொல்லி அமர்ந்தோம்.  தமிழ் அய்யா அழைப்பதற்கு முன்பே நாங்கள் அவரிடம் சென்று திருத்திய விடைத்தாள்களை தந்தோம். பாடல் 7. ஒரு நண்பன் இருந்தான் ("Oru Nanban Iruntha" from movie "Enakku 20 Unakku 18") 

ஆசிரியர் ஒவொருவராக பெயர் கூறி அழைத்து அவரவர் விடைத்தாள்களை வழங்கினார். எங்களது பெயர் கூப்பிட்டதும் நாங்களும் எங்களது விடைத்தாளை பெற்றுக்கொண்டோம்.  நாங்கள் எங்களுடைய விடைத்தாளை திறந்து பார்க்காமல் மற்றவர்களின் முகங்களைத்தான் பார்த்தவண்ணம் இருந்தோம்.  பெற்றுக்கொண்ட அனைவரது முகத்திலும் மகிழ்ச்சி தெரிந்தது  ( மதிப்பெண்களை வாரி வழங்கியிருப்பதால் நிச்சயம் மகிழ்ச்சியாகத்தான் இருக்கும்) பாடல் 8. ஓ நண்பனே நண்பனே....(actor vikaram-Movi Dhil-Oh Nanbane Nanbane) 

எனக்கும் என் நண்பனுக்கும்  சற்று வருத்தமே, காரணம் நாங்கள் திருத்திய விடைத்தாளுக்கு நாங்களே எங்களுக்கு  முதல் மதிப்பெண் போட்டுக்கொண்டால் சரியாக இருக்காது என்பதால் இந்தமுறை வகுப்பில் இரண்டாவது மற்றும் முன்றாம் நிலைக்கான மதிப்பெண்தான் பெறமுடிந்தது மேலும் அதிகப்படுத்த முடியாத தர்மசங்கடமான நிலை, இருந்தும் வகுப்பின் அனைத்து விடைத்தாள்களும் எங்களால் திருத்தப்பட்டது என்கிற பெருமை எங்களின் மனம் முழுவதும் பரவிக்கிடந்தது. பாடல் 9. இனி ஜல்சா பண்ணுங்கடா ....(Movie Name : Chennai 600028 Song : Jalsa Pannungada Singers : Ranjith, Tippu, Premji Amaran, Haricharan & Karthik).

அன்றைய பாட வகுப்பு முடிந்ததும், தமிழ் அய்யா எங்கள் இருவரையும் தனியே வகுப்புக்கு வெளியே  அழைத்துச் சென்று  "கிருஷ்ணா, வடிவேல் நீங்கள் இருவரும் நன்கு படிப்பவர்கள்,  அனாலும் சென்றமுறை நீங்கள் சற்று குறைவான மதிப்பெண் எடுத்து சற்று கவனக்குறைவாக இருந்தீர்கள்,  எனவேதான் உங்களை  வகுப்பின் அனைவரது விடைத்தல்களையும் திருத்தும்படிக்கூறினேன்,  நீங்களும் கவனமாக விடைத்தாள்களை திருத்தியதால் இனி உங்கள் வாழ்நாள் முழுவதும் இந்த பாடங்களை மறக்கமாட்டீர்கள்.  மாறாக நான் உங்களுக்கு வினாத்தாளுக்கான விடையை நன்கு மண்டையில் நுழையட்டும் என்று நுருமுறை கட்டாயப்படுத்தி எழுத சொல்லியிருந்தால் நீங்கள்  நிச்சயம் செய்திருக்க மாட்டீர்கள், அப்படி செய்திருந்தாலும் அது உங்கள்  மனதில் பதிந்திருக்காது எனவேதான் இப்படி செய்தேன்" என்று கூறிக்கொண்டே போனார் ... எங்களுக்கு ஆசிரியர்  "கீதையை" உபதேசம் செய்வதுபோல இருந்த்தது, எங்களது பெருமை என்ற மிகப்பெரிய மாய உருவம், அடங்கி , ஒடுங்கி மிகச்சிறிய உருவமாக மாறியதுபோல வெட்கித் தலைக் குனிந்தோம். பாடல் 10.   # வாழ்கை என்னும் ஓடம் வழங்குகின்ற பாடம் Poompuhar - Vaazhkai Enum Odam by K.B Sundarambal

"இந்த நிலை மாறிவிடும் என்பதை நான் எப்போதும் மறந்ததில்லை. அது இன்பமாக இருந்தாலும் சரி, துன்பமாக இருந்தாலும் சரி... மாறிவிடும்! இதோ இந்தக் கணத்திலும் கூட!"  (வறுமையில் பிறந்து, வாழ்வெல்லாம் போராடி, உலகையே தன் பெயரை உச்சரிக்க வைத்த மாபெரும் கலைஞன் சார்ளி சாப்ளினின் இந்த மந்திரச் சொல், நம் வெற்றிக்கும் நல்ல சாவி!)   பாட்டு 11. :- #வாழ்ந்து  பார்க்கவேண்டும் அறிவில் மனிதராகவேண்டு    TMS & BP SRINIVAS- Sivaji Ganesan & S.S.R - Vaazhnthu Paarkkavendum - Santhi - http://youtu.be/YU-b1hNh0g0

குறிப்பு:- தப்போது 35 வருடங்கள் போயே போச்சு இருந்தும் பழைய ஞாபகங்கள்....இப்போது நான் அந்த நாட்களை நினைத்துப்பார்க்கிறேன்......  பாடல்-12. (மீசைக்கார  நம்ப  உனக்கு  ரோசம்  அதிகம்டா ..அதவிட பாசம் அதிகம்டா )... 

நண்பா உனது நினைவுகளுடன் நமது வகுப்புத் தோழி கீதாவின் தங்கை ராதையையும் நினைத்துப்பார்க்கிறேன். எப்படிப்பட்ட போராட்டங்களுக்கிடையே உன்னுடைய காதல் திருமணம் நடந்தது பாடல்-13. உறவுகள் தொடர்கதை... உணர்வுகள் சிறுகதை... ஒரு கதை என்றும் முடியலாம் முடிவிலும் ஒன்று தொடரலாம் இனியெல்லாம் சுகமே....(தொடரும்) மீண்டும் அடுத்த நிகழ்ச்சியில் சந்திக்கிறேன் அதுவரை உங்களிடமிருந்து வணக்கம் கூறி விடைபெறுகிறேன் .... 

வாழ்க்கையில் உயர...

விடாமல் முயலுங்கள்,

விரும்பியதைப் பயிலுங்கள்.

தொடர்ந்து சிந்திப்போம் .....

மீண்டும் சந்திப்போம் !

நன்றிகளுடன் கோகி. என்கிற கோபால கிருஷ்ணன்- ரேடியோ மார்கோனி.

பின்குறிப்பு:- வானொலி நிலைய நிகழ்ச்சி இயக்குனர் அவர்களுக்கு, நீங்கள் கேட்டுக்கொண்டதற்கு அதிகமாகவே சில பகுதிகளில் ஒரு சில பாடல்கள் அதிகப்படியாக, கதையோடு அமைந்துவிட்டது, ஆகவே அதிகப்படியான அந்தப் பாடல்களை நீக்காமல் எனது நினைவில் நீக்கமற நிறைந்து இருக்க வேண்டுகிறேன். மேலு நீங்கள் கேட்டுக்கொண்டபடி பழைய பாடல்களை எடுத்துவிட்டு புதிய பாடல்களை புகுத்தியிருக்கிறேன்.